Provebs 11:31 - Pijin Bible

³¹ Olsem stretfala pipol garem pei fitim olketa, ravis pipol tu bae garem pei fitim olketa.

Pijin Deuterocanon

³¹ Olsem stretfala pipol garem pei fitim olketa, ravis pipol tu bae garem pei fitim olketa.

Provebs 11:31 ပူးပေါင်းရင်းမြစ်များ

2 Samuel 22:21

Yawe hemi gohed fo helpem mi olsem, bikos mi falom stretfala wei. Hemi gohed fo blesim mi olsem, bikos mi no duim eni nogud samting.

2 Samuel 22:25

Yawe hemi givim gudfala samting long mi, bikos mi falom stretfala wei. an mi gohed fo no mekem eni sin.

1 Kings 13:24

Nao taem hemi wakabaot go, wanfala laeon hemi lukim hem, an hemi kilim hem dae. So hemi foldaon long rod, an laeon wetem dongki ya, tufala gohed fo stanap long saet long hem.

Provebs 12:1

Yu laekem man fo stretem yu, yu nao laekem save. Yu les long man fo stretem yu, yu nao krangge.

Provebs 13:21

Trabol falom nogud man, nambawan laef falom stret man.

Provebs 26:10

Man hemi givim waka long olketa krangge masta liu, hemi olsem man hemi su-sutim aro olobaot.

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Jeremaea 25:29

!Yufala lukim! Mi stat finis fo spoelem Jerusalem wea evri pipol save hemi blong mi. ?Waswe, yufala tingse wea bae yufala save ranawe from disfala panis, mekem hemi no save kasem yufala? !Nomoa! Panis ya mas kasem yufala. Bae hemi mekem evriwan hu i stap long wol ya fo safa long bikfala faet.’” Hem nao mesij blong Yawe, hu hemi garem evri paoa.

Esikiel 44:10

Lod Yawe hemi gohed fo tok olsem long mi, “Olketa long traeb blong Livae hu i lusim mi an joenem olketa narafala laen blong Israel fo wosipim olketa ravis kaving, bae mi barava panisim olketa fo evri ravis samting wea olketa duim.

Hosia 4:9

Bat bae mi panisim yufala olketa prist long sem wei olsem olketa pipol ya. Ya, bae mi panisim yufala evriwan from olketa nogud wei blong yufala.