Nehemaea 5:15 - Pijin Bible

¹⁵ Bifoa, olketa gavna blong Jiuda bin gohed fo mekem olketa pipol safa. Oltaem, olketa gohed fo tekem olketa kaikai an waen from olketa ya, an olketa tekem tu haf kilo silva. An olketa wakaman blong olketa gavna i gohed fo bosim nogud olketa pipol. Bat mi no laekem fo duim olsem, bikos mi tinghae long God, an mi laekem fo obeim hem.

Pijin Deuterocanon

¹⁵ Bifoa, olketa gavna blong Jiuda bin gohed fo mekem olketa pipol safa. Oltaem, olketa gohed fo tekem olketa kaikai an waen from olketa ya, an olketa tekem tu haf kilo silva. An olketa wakaman blong olketa gavna i gohed fo bosim nogud olketa pipol. Bat mi no laekem fo duim olsem, bikos mi tinghae long God, an mi laekem fo obeim hem.

Nehemaea 5:15 ပူးပေါင်းရင်းမြစ်များ

Jenesis 20:11

Nao Ebraham hemi tok olsem, “Mi tingse no eni pipol long ples ya hemi save tinghae long God, an mi ting nogud wanfala man maet kilim mi dae fo tekem waef blong mi.

Jenesis 42:18

Nao long mektri de, hemi tok olsem long olketa, “Mi man fo tinghae long God ya, an sapos yufala duim olsem wea mi talem, bae mi save letem yufala laef.

Nehemaea 5:16

Oltaem mi gohed fo wakahad fo wakembaek moa disfala wolston. Olketa wakaman blong mi i joen tugeta wetem mi fo wakahad olsem, an mifala i no tekem eni graon fo mifala.

Nehemaea 5:9

Den mi tok olsem, “!Wanem yufala gohed fo duim hemi no stret nao! Hemi gud sapos yufala tinghevi long God, an obeim hem, mekem olketa hiden enemi blong yumi no save meksem long yumi.

Stori abaotem Job 31:23

Mi nating laek fo duim eni ravis samting long pua pipol, bikos mi fraetem paoa blong God, an mi wari olsem maet hemi spoelem mi.

Sams 112:1

!Yumi preisim Yawe! Eniwan hu hemi gohed fo tinghae long Yawe, an hemi laekem tumas fo obeim olketa toktok blong hem, hem ya nao hemi hapi.

Sams 147:11

Bat hemi barava hapi long olketa pipol hu i tinghae long hem, an olketa hu i trastem hem bikos hemi tinghevi long olketa olowe.

Provebs 16:6

Tinghevi long God, an falom hem olowe, an hem bae tekemaot sin blong yu. Tinghae long hem, an bae yu no save go kolsap long wei nogud.

Provebs 29:12

Taem bikman lisin long laea, evri wakaman long gavman blong hem bae kamap nogud.

Aesaea 50:10

(Profet) Yufala evriwan hu i tinghae long Yawe an obeim olketa toktok blong wakaman blong hem, nomata yufala stap insaet long tudak, bat yufala mas gohed fo trastem hem, wea nem blong hem nao Yawe. Ya, yufala mas barava dipen long hem.

Jeremaea 32:9

so mi peimaot disfala pisgraon long hem. Mi skelem seventin silva seleni wea hemi praes blong pisgraon ya, an mi peim long hem.

Lamentesin 5:8

Olketa wakaman nomoa i rul ovarem mifala, an no eniwan save tekem mifala aot from paoa blong olketa.

Matiu 5:47

An sapos olketa fren blong yufala nomoa yufala save halo long olketa, hemi samting nating nomoa ya. Nomata olketa hu i no Jiu, olketa save duim olsem tu ya.

2 Korin 11:9

An long taem mi stap wetem yufala an mi sot long enisamting, mi no askem enisamting long yufala. Olketa brata wea olketa stap kam long Masedonia, olketa nao tekem kam evrisamting wea mi sot long hem. So mi no bin mekem yufala wakahad long enisamting nomoa, an bae mi no duim enitaem.

2 Korin 12:13

Mi bin helpem yufala barava olsem mi helpem olketa nara sios. Bat wanfala samting nomoa mi no duim long yufala, mi no bin talem yufala fo helpem mi long seleni. Sapos yufala tingse mi bin duim rong samting long diswan, yufala mas fogivim mi.

1 Samuel 8:15

An wan-tent long olketa kaikai blong yufala, bae hemi blong hem. An wan-tent long olketa botol waen blong yufala, bae hemi blong hem. An bae hemi givim olketa samting ya long olketa bikman an long olketa narafala wakaman blong hem.