Nambawan Singsing 5:2 - Pijin Bible

² Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Pijin Deuterocanon

² Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Nambawan Singsing 5:2 ပူးပေါင်းရင်းမြစ်များ

Jenesis 29:20

So Jekob hemi gohed fo waka fo angkol blong hem ya fo sevenfala yia, mekem hemi save maritim Resel. Bat sevenfala yia ya hemi olsem tu-tri de nomoa long hem, bikos hemi lavem gele ya tumas.

Sams 119:1

Olketa pipol wea laef blong olketa hemi stret fogud falom lo blong yu Lod Yawe, olketa ya nao i hapi.

Sams 81:10

Mi nao Yawe an mi God blong yufala, an mi nao mi bin tekem yufala kamaot from Ijip. Sapos yufala trastem mi, bae mi givim olketa gudfala samting fo yufala.

Provebs 23:26

Pikinini blong mi, yu mas barava lisingud long mi. Falom wei blong mi nomoa.

Nambawan Singsing 1:16

Daling, yu barava luknaes tumas long mi. Mi hapi tumas long yu. Bae yumitufala go leidaon long gudfala gras ya,

Nambawan Singsing 2:10

an hemi tok olsem long mi, “!Kam, daling blong mi! Kam, yumitufala go.

Nambawan Singsing 2:14

Yu gohed fo haed nomoa olsem wanfala kurukuru wea hemi fraet, an hemi gohed fo haed insaet long olketa hol long ston saet long maonten. Mi laekem tumas fo herem voes blong yu, bikos voes blong yu hemi here suit tumas an fes blong yu tu hemi barava luknaes.

Nambawan Singsing 2:8

!Lisin kam! Mi herem daling blong mi. !Lukim! !Hemi kam nao! Hemi gohed fo ran kam antap long olketa maonten, an hemi gohed fo spid kam falom olketa hil.

Nambawan Singsing 3:1

Taem mi slip long bed long naet, mi gohed fo drim wea mi lukaotem daling blong mi, bat mi no save faendem.

Nambawan Singsing 4:7

Daling blong mi, yu barava luknaes tumas. Evri pat long bodi blong yu nomoa hemi luknaes, no eni pat long yu wea hemi spoelem yu.

Nambawan Singsing 4:9

Daling, yu nao braed blong mi. Taem mi luk long ae blong yu an mi lukim nekles ya raonem nek blong yu, yu barava pisisim haat blong mi nao.

Nambawan Singsing 5:11

Fes blong hem hemi smut an luknaes tumas olsem gol. An hea blong hem hemi barava blak an hemi sof fogud.

Nambawan Singsing 5:6

So, mi openem doa fo hemi kam insaet. Bat wea, hemi go finis nao. Mi laekem tumas fo dae nomoa taem mi no herem voes blong hem. Mi lukaotem hem, bat mi nating faendem hem. Mi singaot fo hem, bat hemi nating ansa.

Nambawan Singsing 6:9

bat yu seleva nomoa yu luknaes fogud olsem wanfala kurukuru, an mi laekem yu tumas. Yu seleva nomoa wanfala dota wea mami blong yu hemi garem, an hemi lavem yu tumas winim evri narafala pikinini blong hem. Taem evri yang woman i luk kam long yu, olketa tokhae long yu. Ya, taem evri kuin an evri narafala waef blong king i luk kam long yu, olketa preisim yu.

Nambawan Singsing 7:9

Ya, bae kis blong yu tu hemi suit, olsem barava nambawan waen. Oraet, letem suit waen ya hemi randaon stret go long maos blong daling blong mi, fo hemi watarem lip blong hem an tit blong hem.

Nambawan Singsing 8:7

Nomata wata long bik riva, hemi no save kilim dae disfala bikfala faea, o flad tu hemi no save draonem. An nomata eniwan maet laekem fo givim evri gudfala samting wea hemi garem fo baem lav blong narawan, bae hemi nating laekem.

Aesaea 50:6

Taem olketa man i kam fo wipim baeksaet blong mi, mi tekemaot sote blong mi. An taem olketa kam fo tok nogud long mi, an pulumaot biad blong mi an olketa gohed fo spit long ae blong mi, mi nating stopem olketa nomoa.

Aesaea 52:14

Plande pipol wea i lukim hem, i seke fogud long hem, bikos samting wea hemi kasem hem, hemi barava spoelem bodi blong hem, an hemi nating luk moa olsem man nao.

Daniel 8:18

Taem hemi gohed fo toktok long mi, mi leidaon finis long ples ya wetem fes blong mi godaon long graon, an hemi mekem mi barava dip slip. Bat hemi holem mi, an hemi mekem mi fo stanap moa.

Sekaraea 4:1

Mi lukim narafala spesol drim moa, an long spesol drim ya mi lukim disfala enjel hu hemi bin gohed fo tok wetem mi. Hemi kam sekem mi, olsem hemi laek fo wekapem mi.

Matiu 7:8

Bikos eniwan hu hemi askem God fo enisamting, bae God hemi givim long hem, an eniwan hu hemi kam long God fo lukaotem enisamting, bae hemi save faendem, an eniwan hu hemi noknok long doa blong God, bae God hemi openem doa fo hem.

Matiu 8:17

Long taem ya, toktok wea God hemi mekem profet Aesaea fo talemaot kam bifoa, hemi kamtru nao, wea hemi sei, “Disfala man hemi tekem go olketa sik wea olketa save mekem yumi fo wik tumas. Ya, hemi finisim olketa enikaen sik blong yumi.”

Gudnius abaotem Jisas Kraes wea Mak hemi raetem 1:35

Long barava eli moning, taem san hemi no kamap yet, Jisas hemi wekap nomoa an hemi go nao long wanfala ples wea no eniwan stap long hem, an hemi prea.

Gudnius abaotem Jisas Kraes wea Luk hemi raetem 22:44

An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Gudnius abaotem Jisas Kraes wea Luk hemi raetem 6:12

Nao long semtaem ya nomoa, Jisas hemi goap nao fo prea antap long wanfala hil. An wanfala fulnaet nao hemi stap long ples ya wea hemi gohed fo prea long God.

Gudnius abaotem Jisas Kraes wea Luk hemi raetem 9:32

Pita wetem tufala fren blong hem ya olketa barava slip ya, bat taem olketa wekap, olketa lukim bikfala paoa blong God hemi saen raonem Jisas, an olketa lukim tu tufala man ya wea tufala stanap wetem hem.

Gudnius abaotem Jisas Kraes wea Jon hemi raetem 10:4

Taem hemi mekem olketa sipsip blong hem fo goaot finis, hemi save wakabaot go fastaem long olketa an olketa save falom hem nao, bikos olketa heremsave toktok blong hem.

Galesia 2:20

Hemi olsem wea mi dae wetem Kraes long kros. An i no mi nao mi stap laef distaem ya, bat Kraes nao hemi stap laef insaet long mi. Disfala laef blong mi long wol ya, mi garem nomoa bikos mi biliv long San Blong God hu hemi lavem mi an hemi letem hem seleva fo dae fo helpem mi.

Efesas 5:14

Bikos enisamting wea olketa pipol barava luksave long hem, hemi kamap olsem laet nao. Dastawe nao olketa save sei, “!Yufala hu i save slip, yufala wekap nao! Yufala laefbaek moa from dae, mekem laet blong Kraes hemi saenaot long yufala.”

Revelesin 14:4

Olketa man ya, no enitaem nao olketa bin durong wetem eni woman. Olketa bin stap klin olowe. An oltaem olketa falom Smolfala Sipsip ya long evri ples wea hemi go. God hemi bin peimaot olketa finis from pipol long wol, mekem olketa nao olsem fas kaikai fo ofarem long God an long Smolfala Sipsip ya.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.

Revelesin 3:4

‘Bat samfala pipol long yufala long Sadis olketa lukaftarem kaleko blong olketa, mekem olketa no doti. Olketa nao bae werem waet kaleko an bae olketa wakabaot wetem mi, bikos olketa nao fitim diswan from gudfala waka blong olketa.