Nambawan Singsing 5:15 - Pijin Bible

¹⁵ Tufala lek blong hem i olsem tufala pos wea olketa wakem long nambawan waet ston, an botom blong tufala pos ya, olketa wakem long gol. Taem mi lukim hem, mi tingim olketa strongfala maonten an olketa tolfala sida tri long Lebanon.

Pijin Deuterocanon

¹⁵ Tufala lek blong hem i olsem tufala pos wea olketa wakem long nambawan waet ston, an botom blong tufala pos ya, olketa wakem long gol. Taem mi lukim hem, mi tingim olketa strongfala maonten an olketa tolfala sida tri long Lebanon.

Nambawan Singsing 5:15 ပူးပေါင်းရင်းမြစ်များ

1 Kings 4:33

Hemi save gudfala tumas long olketa tri an gras, stat long olketa bikfala tri olsem sida blong Lebanon, go kasem barava smolfala gras wea i grou long wolston. An hemi save gudfala tumas long olketa animol, an olketa bed, an olketa samting olsem lisad an snek, an olketa fis tu.

Sams 80:10

Hemi grou bikfala tumas, mekem sado blong hem hemi kavarem olketa maonten long saot, an olketa brans blong hem i grouap bikfala winim olketa bikfala sida tri long not.

Sams 92:12

Olketa stretfala pipol bae i kamap gudfala olsem pam tri, an bae olketa kamap strong olsem olketa sida tri long Lebanon.

Sams 92:13

Ya, bae olketa stap olowe insaet long Tambuhaos blong Yawe. An bae olketa garem gudfala laef long Tambuhaos blong God.

Eksodas 26:19

An yu mas wakem fotifala botom long silva mekem olketa frem ya i stanap long hem. Evri frem mas garem tufala botom long hem, mekem tufala pis timba ya long en blong frem hemi go insaet long tufala botom.

Nambawan Singsing 2:14

Yu gohed fo haed nomoa olsem wanfala kurukuru wea hemi fraet, an hemi gohed fo haed insaet long olketa hol long ston saet long maonten. Mi laekem tumas fo herem voes blong yu, bikos voes blong yu hemi here suit tumas an fes blong yu tu hemi barava luknaes.

Nambawan Singsing 4:11

Daling blong mi, lip blong yu hemi suit olsem hani, an tang blong yu hemi suit olsem milk wetem hani. Kaleko blong yu hemi smel naes tumas, olsem naes smel blong sida tri ya long Lebanon.

Nambawan Singsing 7:4

Nek blong yu hemi raon an hemi smut naes. Tufala ae blong yu hemi saen fogud olsem olketa pul long wata long taon long Hesbon, wea i stap kolsap long geit long Bat-Rabim. Nous blong yu hemi sap an hemi luknaes tumas olsem hae taoa ya long Lebanon wea olketa save lukim go Damaskas.

Lamentesin 4:7

Bifoa, olketa bikman i klin fogud, olsem snou wea hemi jes foldaon kam. Olketa strong an helti, wea no eni sik hemi save kasem olketa.

Esikiel 17:23

Bae mi plantem antap long maonten blong Israel, nao hemi garem olketa brans, an hemi garem tu olketa frut long hem. Ya, bae hemi kamap wanfala nambawan sida tri. Bae evri kaen bed nao i kam fo stap long tri ya, an haed insaet long olketa brans blong hem.

Esikiel 31:8

“Nomata long gudfala ples blong mi ya long Iden, hemi no garem eni sida tri olsem hem. Hemi no garem tu eni paen tri wea hemi garem bikfala brans olsem hem. No eni narafala tri moa wea hemi tol olsem hem. Ya, no eni tri long gudfala ples blong mi ya wea hemi luknaes olsem disfala tri.

Hosia 14:7

Bae Israel hemi kamap gudfala olsem disfala tri, an olketa pipol blong mi save stap moa andanit long sado blong hem. Bae hemi olsem gaden wea hemi garem plande kaikai long hem. An bae hemi olsem tu plantesin long grep tri, wea hemi garem staka frut long hem. Pipol long evri ples bae i savegud long hem, olsem wea olketa savegud long disfala nambawan waen blong Lebanon.

Sekaraea 9:17

!Bae olketa i gudfala an luknaes tumas! An olketa gudfala kaikai an waen blong lan ya, bae hemi mekem olketa yangman an olketa yangwoman fo kamap strong.

Matiu 17:2

Taem trifala ya i lukluk go nomoa, bodi blong Jisas hemi sens nao. Long taem ya, fes blong hem hemi barava saen olsem san nao, an olketa kaleko blong hem olketa barava waet fogud.

Matiu 28:3

Fes blong enjel ya, hemi saen olsem laetning, an kaleko blong hem hemi barava waet tumas.

Aposol 2:28

Yu bin som mi olketa wei blong laef, an bae yu mekem mi fo hapi tumas taem yu stap wetem mi.’

1 Timoti 3:16

An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

Jajis 13:6

Nao woman ya hemi go tok long hasban blong hem olsem, “Wanfala man blong God hemi kam kasem mi wea hemi luk olsem wanfala enjel blong God, an hemi mekem mi fraet tumas. Mi no askem ples wea hemi kam from an hemi no talem nem blong hem long mi.