Nambawan Singsing 4:9 - Pijin Bible

⁹ Daling, yu nao braed blong mi. Taem mi luk long ae blong yu an mi lukim nekles ya raonem nek blong yu, yu barava pisisim haat blong mi nao.

Pijin Deuterocanon

⁹ Daling, yu nao braed blong mi. Taem mi luk long ae blong yu an mi lukim nekles ya raonem nek blong yu, yu barava pisisim haat blong mi nao.

Nambawan Singsing 4:9 ပူးပေါင်းရင်းမြစ်များ

Jenesis 20:12

Ya hemi tru, hem ya hemi sista blong mi ya. Dadi blong mi nao hemi bonem hem, bat mitufala i no bon long wanfala mami, dastawe mi maritim hem.

Jenesis 41:42

Nao king hemi tekemaot wanfala spesol ring long fingga blong hem wea hemi gohed fo yusim oltaem fo putum mak blong hem long leta, nao hemi putum go long fingga blong Josef. An hemi tekem wanfala nambawan waet kaleko fo hemi werem, an hemi hangem wanfala gol sen long nek blong hem.

Sams 45:9

Olketa woman wea i stap long haos blong yu, samfala i dota blong olketa king. Woman wea bae hemi kuin nao hemi stanap long raet saet long tron blong yu, an hemi werem olketa barava spesol samting wea olketa wakem long nambawan gol.

Provebs 1:9

Olketa tising ya bae helpem yu, mekem laef blong yu kamap gud moa, olsem barava spesol hat long hed blong yu, o naes nekles long nek blong yu.

Provebs 6:25

Nomata woman ya hemi luknaes tumas, yu no daedae fo hem. Nomata hemi satae fo suitim yu, no letem hem winim yu.

Nambawan Singsing 1:10

Olketa iaring blong yu wea hemi hangdaon long fes hemi luknaes tumas, an nekles wea hemi stap raonem nek blong yu hemi barava luknaes tu.

Nambawan Singsing 1:15

Daling, yu barava luknaes tumas long mi. Ae blong yu hemi barava luknaes tumas, olsem kurukuru.

Nambawan Singsing 3:11

!Kam, yufala woman blong maonten long Saeon! !Kam lukim King Solomon! Hemi werem kraon blong king wea mami blong hem hemi bin putum long hed blong hem, long de wea hemi marit, an hemi hapi an filgud tumas.

Nambawan Singsing 4:10

Daling, yu nao braed blong mi. Lav blong yu fo mi hemi suit tumas winim nambawan waen, an mi laekem tumas smel blong yu winim nambawan insens.

Nambawan Singsing 4:12

Daling, yu nao braed blong mi. Yu olsem wanfala gaden wetem wolston raonem, wea bae mi seleva nomoa mi save go insaet long hem. Hemi garem wanfala springwata insaet, wea bae mi seleva nomoa save dring long hem.

Nambawan Singsing 6:12

Seknomoa, mi barava seksek fo filhapi, olsem man hu hemi go insaet long kaat blong king.

Nambawan Singsing 6:5

Plis yu no luk kam long mi. Yu barava spoelem tingting blong mi taem mi luk long ae blong yu. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Nambawan Singsing 7:10

Mi blong hem, an hemi laekem mi tumas.

Aesaea 54:5

Mi nao mi mekem yufala, an mi olsem hasban long yufala. Nem blong mi nao Yawe hu mi garem evri paoa, an mi nao mi Holi God blong Israel hu mi mekem yufala fri an mi rul ovarem evri ples long wol.

Aesaea 62:5

Bae yufala tekem lan blong yufala, olsem wanfala yang boe hemi tekem wanfala yang gele fo kamap waef blong hem. An long sem wei tu, bae God hemi hapi tumas long yufala.

Esikiel 16:11

Mi mekem yu werem olketa gudfala samting wea olketa wakem long olketa barava spesol ston. Mi tekem olketa samting olsem strap wea hemi barava luknaes tumas an putum long am blong yu, an mi hangem wanfala nekles raonem nek blong yu.

Esikiel 16:8

“Bihaen, mi gopas moa long ples ya, an mi lukim dat yu bikfala fitim fo marit nao. So, mi kavaremap neket bodi blong yu long longfala kaleko blong mi, an mi mekem wanfala strong agrimen wea bae mi lavem yu. Mi promis fo maritim yu, an yu kamap waef blong mi. “Hem nao mesij blong mi Lod Yawe.

Daniel 5:7

So, hemi singaot bikfala long olketa man blong hem fo kolem kam olketa waes man blong hem, an olketa majik man, an olketa poesen man, an olketa kleva man. Taem olketa advaesa ya i kam, king hemi tok olsem long olketa, “Eniwan hu hemi save ridim disfala raeting, an talemaot mining blong hem long mi, bae mi mekem hem fo kamap mektri man fo rul insaet long disfala kingdom. An bae mi mekem hem fo werem olketa spesol kaleko blong king, an bae mi hangem wanfala gol sen long nek blong hem fo mekhae long hem.”

Sefenaea 3:17

Yawe God blong yufala, hemi stap wetem yufala, an paoa blong hem hemi save sevem yufala. Bae hemi hapi tumas long yufala. Lav blong hem bae hemi mekem yufala fo stap kuaet. Bae hemi hapi fogud long yufala, go-go hemi singsing long yufala.?

Matiu 12:50

Eniwan hu hemi duim wanem Dadi blong mi long heven hemi laekem, hem nao brata blong mi an sista blong mi an mami blong mi.”

Gudnius abaotem Jisas Kraes wea Jon hemi raetem 3:29

Yufala save, taem man hemi maritim gele, oraet, disfala gele hemi blong disfala man nao ya. Bat fren blong disfala man hu i marit, hemi save stanap an lisin long hem an hemi hapi nomoa fo herem toktok blong man ya nao. Dastawe nao mi hapi tumas long distaem ya.

1 Korin 9:5

An mi save maritim wanfala Kristin woman an tekem hem wetem mi long gogo blong mi, olsem olketa nara aposol an olketa brata blong Masta an Pita tu i save duim.

2 Korin 11:2

Mi lavem yufala tumas olsem God tu hemi lavem yufala, bikos mi promis finis dat bae yufala maritim nomoa wanfala man, an hem nao Kraes. An long de blong marit, mi laek fo givim yufala go long Kraes wea yufala olsem wanfala yangfala gele hu hemi barava klin.

Revelesin 21:2

An mi lukim bikfala holi taon ya, niu Jerusalem. Mi lukim hemi stap wetem God an hemi kamdaon from heven. Taon ya hemi stap redi finis olsem gele wea bae hemi marit, wea hemi werem olketa nambawan kaleko blong hem an hemi redi fo maritim hasban.