Nambawan Singsing 4:1 - Pijin Bible

¹ Daling, yu barava luknaes tumas long mi. Nomata pis kaleko ya hemi satem haf long fes blong yu, bat mi save lukim nomoa ae blong yu, an mi tingim kurukuru wea hemi luknaes tumas. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Pijin Deuterocanon

¹ Daling, yu barava luknaes tumas long mi. Nomata pis kaleko ya hemi satem haf long fes blong yu, bat mi save lukim nomoa ae blong yu, an mi tingim kurukuru wea hemi luknaes tumas. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Nambawan Singsing 4:1 ပူးပေါင်းရင်းမြစ်များ

Sams 45:11

Bikos yu luk naes tumas, bae king hemi laekem yu tumas, bat hemi masta blong yu ya, so yu mas tinghae long hem.

Nambawan Singsing 1:15

Daling, yu barava luknaes tumas long mi. Ae blong yu hemi barava luknaes tumas, olsem kurukuru.

Nambawan Singsing 2:10

an hemi tok olsem long mi, “!Kam, daling blong mi! Kam, yumitufala go.

Nambawan Singsing 2:14

Yu gohed fo haed nomoa olsem wanfala kurukuru wea hemi fraet, an hemi gohed fo haed insaet long olketa hol long ston saet long maonten. Mi laekem tumas fo herem voes blong yu, bikos voes blong yu hemi here suit tumas an fes blong yu tu hemi barava luknaes.

Nambawan Singsing 6:5

Plis yu no luk kam long mi. Yu barava spoelem tingting blong mi taem mi luk long ae blong yu. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Nambawan Singsing 6:7

Nomata pis kaleko ya hemi satem fes blong yu, bat mi luksave nomoa wea fes blong yu hemi luknaes tumas.

Nambawan Singsing 7:5

Taem mi lukim hed blong yu, mi tingim disfala hae maonten long Kaamel wea hemi luknaes tumas. Hea blong yu hemi blak an hemi saen fogud. Nomata wanfala king save dae nomoa fo yu taem hemi lukim hea blong yu, bikos hemi barava luknaes fogud.

Jeremaea 22:6

“Hem nao Yawe hemi talem abaotem disfala haos blong king blong Jiuda. Hemi tok olsem: Disfala haos hemi luknaes tumas olsem ples long Gilead, an olketa maonten long Lebanon wea i garem plande tri long hem. Bat nomata olsem, bae mi mekem hem fo kamap olsem drae eria, wea hemi no eniwan save stap long hem.

Esikiel 16:14

Evri pipol blong olketa narafala kantri i herem dat yu barava luknaes fogud. Bikos mi nao mi mekem yu barava luknaes fogud olsem. “Hem nao mesij blong mi Lod Yawe.

Maeka 7:14

(Profet) Yawe. Mifala i pipol blong yu wea yu siusim. Plis yu lukaftarem mifala gudfala olsem wea mifala olketa sipsip blong yu. Nomata mifala olketa sipsip blong yu i stap long bus, bat olketa graon wea hemi garem gudfala gras hemi stap raonem mifala. Plis yu letem mifala evri sipsip fo kaikai long gudfala gras ya long Basan an long Gilead, olsem wea olketa sipsip blong yu bin kaikai long hem bifoa.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:40

An Mosis hemi givim eria blong Gilead long traeb blong Makia mekem olketa stap olowe nao long hem.

Matiu 11:29

Yufala kam fo falom tising blong mi an letem mi lanem yufala, bikos mi ya, mi no save raf an mi no haemapem mi seleva. An bae yufala save faendem ples fo res long laef blong yufala ya.

2 Korin 3:18

Yumi evriwan hu i no garem enisamting wea hemi kavarem fes blong yumi, yumi somaot disfala saen blong bikfala paoa blong Masta. An oltaem nomoa, disfala saen blong paoa blong Masta hu hemi Holi Spirit, hemi grou bikfala moa, an hemi mekem yumi sens go-go yumi kamap olsem hem.