Nambawan Singsing 3:7 - Pijin Bible

⁷ !King Solomon nao ya! Hemi sidaon long spesol sea blong hem, an olketa man blong hem i karim hem kam. Siksti long olketa nambawan soldia blong Israel nao i gohed fo gadem hem.

Pijin Deuterocanon

⁷ !King Solomon nao ya! Hemi sidaon long spesol sea blong hem, an olketa man blong hem i karim hem kam. Siksti long olketa nambawan soldia blong Israel nao i gohed fo gadem hem.

Nambawan Singsing 3:7 ပူးပေါင်းရင်းမြစ်များ

1 Kings 14:27

Bihaen, King Rehoboam hemi wakem olketa sil long bras fo sensim olketa wea i lus. Olketa komanda blong olketa soldia blong hem wea i gadem doa blong bikfala haos blong hem, hem nao hemi mekem olketa ya fo lukaftarem olketa sil ya.

1 Kings 9:22

Bat hemi no mekem olketa pipol blong Israel fo waka olsem slev. Hemi mekem olketa fo kamap soldia blong hem, an komanda blong ami, an bikman long gavman blong hem. An samfala moa i bos long olketa kaat fo faet, an long olketa soldia hu i raedem hos.

2 Kings 6:17

An hemi prea olsem, “Lod Yawe, plis yu openem ae blong wakaman ya, mekem hemi lukim paoa blong yu.” So Yawe hemi openem ae blong wakaman ya. Den hemi lukim hil wea tufala stap, hemi fulap long olketa hos an kaat fo faet wea i luk olsem faea. Olketa ya i evriwea raonem Elaesa.

Nehemaea 4:13

So mi sendem samfala pipol go long olketa ples wea waka blong wolston ya hemi no finis yet. Mi putum olketa pipol wetem famili blong olketa, an mi givimaot olketa naef fo faet, an olketa spia, an bou, mekem olketa gadem taon ya.

Nambawan Singsing 1:16

Daling, yu barava luknaes tumas long mi. Mi hapi tumas long yu. Bae yumitufala go leidaon long gudfala gras ya,

Nambawan Singsing 3:6

?Hu nao hemi kamaot farawe from drae eria ya olsem smok blong bikfala faea? Smel blong hem hemi barava naes tumas, olsem smel blong nambawan insens, wea olketa bisnisman i tekem kam from olketa farawe ples.

Nambawan Singsing 3:8

Olketa evriwan i save gud tumas long wei blong faet. Evriwan long olketa i hangem naef long saet, an olketa redi nao fo faet wetem eniwan hu i kam fo faetem olketa long naet.

Nambawan Singsing 3:9

King Solomon hemi wakem disfala spesol sea long barava nambawan timba from Lebanon.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

1 Samuel 14:52

Oltaem long laef blong King Sol, hemi save faet strong tumas agensim pipol blong Filistia. Dastawe taem hemi lukim eni man wea hemi strong an hemi no save fraet, hemi tekem hem kam fo joenem olketa soldia blong hem.

1 Samuel 28:2

An Deved hemi tok olsem, “Hemi gud nomoa, mi wakaman blong yu. Wanem mi save duim, bae yu lukim.” Den sif hemi tok olsem, “!Hemi gud tumas! Bae mi mekem yu gadem mi, an bae yu stap olowe long waka ya.”

1 Samuel 8:16

Bae hemi tekemaot olketa wakaman blong yufala wetem olketa wakamere blong yufala, an olketa yangman blong yufala, an olketa nambawan dongki blong yufala, mekem olketa go waka fo hem.