Nambawan Singsing 1:15 - Pijin Bible

¹⁵ Daling, yu barava luknaes tumas long mi. Ae blong yu hemi barava luknaes tumas, olsem kurukuru.

Pijin Deuterocanon

¹⁵ Daling, yu barava luknaes tumas long mi. Ae blong yu hemi barava luknaes tumas, olsem kurukuru.

Nambawan Singsing 1:15 ပူးပေါင်းရင်းမြစ်များ

Nambawan Singsing 1:16

Daling, yu barava luknaes tumas long mi. Mi hapi tumas long yu. Bae yumitufala go leidaon long gudfala gras ya,

Nambawan Singsing 1:8

Daling blong mi, yu barava luknaes tumas winim evri narafala woman. Sapos yu no save long ples wea olketa sipsip ya i stap long hem, yu mas falom rod blong olketa, mekem olketa nanigot blong yu save kaikai kolsap long olketa haostent blong olketa man fo lukaftarem sipsip.

Nambawan Singsing 1:9

Daling blong mi, taem man hemi luk long yu hemi mas laekem yu nao, olsem olketa man hos wea i pulum kaat fo faet blong king long Ijip, i no save stap kuaet taem olketa lukim mere hos.

Nambawan Singsing 2:10

an hemi tok olsem long mi, “!Kam, daling blong mi! Kam, yumitufala go.

Nambawan Singsing 2:13

Distaem tu frut blong olketa fig tri i stat fo raep, an ea hemi smel naes tumas long smel blong flaoa blong olketa grep tri. !Kam, daling blong mi! Kam, yumitufala go.”

Nambawan Singsing 4:1

Daling, yu barava luknaes tumas long mi. Nomata pis kaleko ya hemi satem haf long fes blong yu, bat mi save lukim nomoa ae blong yu, an mi tingim kurukuru wea hemi luknaes tumas. Hea blong yu hemi muv taem yu muv, olsem olketa blak nanigot i gohed fo ja-jam, taem olketa kamdaon falom maonten long Gilead.

Nambawan Singsing 4:10

Daling, yu nao braed blong mi. Lav blong yu fo mi hemi suit tumas winim nambawan waen, an mi laekem tumas smel blong yu winim nambawan insens.

Nambawan Singsing 4:7

Daling blong mi, yu barava luknaes tumas. Evri pat long bodi blong yu nomoa hemi luknaes, no eni pat long yu wea hemi spoelem yu.

Nambawan Singsing 5:12

Ae blong hem hemi barava luknaes tumas olsem wanfala kurukuru wea hemi stap kolsap long riva, olsem kurukuru wea hemi barava waet olsem milk, an hemi sidaon saet long wata.

Nambawan Singsing 5:2

Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Nambawan Singsing 6:10

Olketa tok olsem, “?Hu nao disfala woman wea hemi luknaes tumas olsem moning sta? Hemi barava luknaes fogud olsem mun wea hemi saen long naet an san wea hemi braet long de taem. Ya, hemi barava luk spesol olsem taem olketa sta i saenaot long naet.”

Nambawan Singsing 6:4

Daling, yu barava luknaes tumas long mi, olsem taon long Tiasa an Jerusalem. Ya, yu barava luk spesol olsem taem olketa soldia i maas.

Nambawan Singsing 7:6

Yu barava luknaes an mi laekem yu tumas. Disfala lav blong yu fo mi, hemi mekem mi barava hapi an filgud tumas.

Nambawan Singsing 7:7

Yu olsem wanfala tol pam tri wea hemi luknaes fogud, an tufala susu blong yu hemi raon an fulap olsem olketa bans long frut blong hem.

Malakae 2:14

?Waswe nao hemi olsem? Hemi les, bikos hemi lukim dat yufala no kipim strongfala promis wea yufala bin mekem long waef blong yufala. Taem yufala yang yet, an yufala marit, yufala bin mekem strongfala promis long waef. Nomata hemi pat long yufala, bat yufala brekem finis disfala promis long hem.