Nambas 35:31 - Pijin Bible

³¹ “Sapos eniwan hemi kilim dae narafala man, yufala mas kilim hem dae. An yufala no save tekem eni seleni fo peimaot laef blong hem mekem hem gofri.

Pijin Deuterocanon

³¹ “Sapos eniwan hemi kilim dae narafala man, yufala mas kilim hem dae. An yufala no save tekem eni seleni fo peimaot laef blong hem mekem hem gofri.

Nambas 35:31 ပူးပေါင်းရင်းမြစ်များ

2 Samuel 12:13

Nao Deved hemi tok long Natan olsem, “Mi bin barava sin agensim Yawe nao.” An Natan hemi ansa olsem, “Distaem Yawe hemi fogivim yu, an hemi tekemaot disfala sin blong yu. An bae yu no save dae long hem.

2 Samuel 21:4

Bat olketa tok olsem, “Raoa ya hemi blong mifala wetem King Sol an laen blong hem. Kompensesin long silva an gol hemi no save stretem. An hemi luk olsem mifala no garem raet fo kilim dae eniwan long Israel tu.” Den king hemi tok olsem, “?Wanem nao yufala laekem mi fo duim fo yufala?”

Sams 51:14

God, plis yu sevem mi. Plis no kilim mi dae. Plis fogivim olketa sin blong mi, mekem mi hapi moa, an bae mi singsing fo talemaot stretfala wei blong yu.

Eksodas 21:14

Bat sapos wanfala man hemi mekem plan wea hemi kilim dae narafala man, nomata hemi ranawe kam fo haed long olta blong mi, yufala mas tekem hem aot, an kilim hem dae.

Esikiel 16:38

Taem mi jajem yu, bae mi givim yu semkaen panis olsem panis blong woman hu hemi slip wetem narafala man, an woman hu hemi kilim dae pikinini blong hem. Bae mi kilim yu dae, bikos ravis wei ya blong yu hemi mekem mi barava kros fogud.

Levitikas 24:17

“An sapos eniwan hemi kilim dae narafala man falom ravis plan, yufala mas kilim hem dae.

Nambas 35:30

“Sapos eniwan hemi kilim dae narafala man, datfala man hemi mas dae tu. Bat yufala mas garem olketa witnes fo talemaot olsem samting ya hemi tru o nomoa, mekem yufala jajem man olsem hemi mas dae. Nao sapos wanfala man nomoa hemi witnes agensim datfala man, toktok blong hem hemi no naf fo yufala jajem datfala man olsem hemi mas dae.

Nambas 35:32

An sapos eniwan hemi kilim dae narafala man, bat hemi nating minim fo duim, an hemi ranawe go haed long wanfala long olketa taon fo haed ya, yufala no save tekem eni seleni fo peimaot laef blong hem, mekem hem fri fo gohom. Hemi mas stap long taon fo haed ya, go-go kasem taem wea Haeprist long datfala taem hemi dae.

Diutronomi 27:24

“Trabol bae kasem eniwan hu hemi kilim dae wantok blong hem an hemi haedem.’ “An olketa pipol mas ansa olsem, ‘!Hem tru ya!’