Gudnius abaotem Jisas Kraes wea Mak hemi raetem 7:13 - Pijin Bible

¹³ From yufala tisim olketa pipol fo falom kastom olsem, yufala mekem toktok blong God fo kamap olsem samting nating nomoa ya. An plande wei olsem moa yufala garem wea yufala go-gohed fo duim.”

Pijin Deuterocanon

¹³ From yufala tisim olketa pipol fo falom kastom olsem, yufala mekem toktok blong God fo kamap olsem samting nating nomoa ya. An plande wei olsem moa yufala garem wea yufala go-gohed fo duim.”

Gudnius abaotem Jisas Kraes wea Mak hemi raetem 7:13 ပူးပေါင်းရင်းမြစ်များ

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Esikiel 18:14

“Nao tingim disfala ravis man hemi garem wanfala san, bat nomata disfala san blong hem hemi luksave long evri sin long dadi blong hem, hemi nating falom nomoa.

Hosia 8:12

Mi bin raetemdaon plande toktok fo tisim olketa, bat olketa luk long olketa toktok ya olsem krangge toktok nomoa.

Matiu 15:6

oraet, hemi mas no tingim dadi nao ya.’ So bikos yufala falom kastom blong yufala olsem, yufala mekem toktok blong God fo kamap olsem samting nating nomoa ya.

Gudnius abaotem Jisas Kraes wea Mak hemi raetem 7:12

oraet, hemi mas no helpem mami o dadi nao ya.’

Gudnius abaotem Jisas Kraes wea Mak hemi raetem 7:14

Nao Jisas hemi talem long olketa pipol fo olketa kam kolsap long hem moa, an hemi sei long olketa, “Yufala mas lisin gudfala, mekem yufala save minim.

Gudnius abaotem Jisas Kraes wea Mak hemi raetem 7:3

Olketa Farasi wetem evriwan long olketa nara Jiu, olketa falom kastom blong olketa oloman blong olketa bifoa kam nao, wea olketa mas wasim han blong olketa long gudfala wei bifoa olketa save kaikai.

Gudnius abaotem Jisas Kraes wea Mak hemi raetem 7:5

So olketa Farasi an olketa tisa blong Lo olketa askem Jisas olsem, “?Waswe nao olketa disaepol blong yu olketa no save falom nomoa kastom wea hemi stat kam long olketa olo blong yumi? !Olketa gohed nomoa fo kaikai wetem han blong olketa wea hemi no klin!”

Gudnius abaotem Jisas Kraes wea Mak hemi raetem 7:9

“Yufala ya barava save tumas long wei fo sensim olketa lo blong God, mekem yufala save falom nomoa kastom tising blong yufala seleva.

Galesia 1:14

An mi strong tumas fo falom gud olketa kastom blong olketa olo blong mifala Jiu bifoa. Long wei ya, mi gohed gudfala winim plande long olketa wantok wea olketa yangfala olsem mi.

Galesia 5:21

an fo kavetem samting blong nara man, an fo drang tumas, an fo mekem fist fo duim olketa ravis samting, an fo gohed long enikaen samting olsem moa. Mi talem strong long yufala olsem mi talem bifoa finis, olketa pipol hu i gohed long olketa wei olsem ya bae olketa no save kasem kingdom blong God.

Taetas 1:14

An tokhad long olketa mekem olketa no falom laea kastom stori blong olketa Jiu an toktok blong olketa hu i agensim finis tru toktok.