Gudnius abaotem Jisas Kraes wea Mak hemi raetem 6:21 - Pijin Bible

²¹ Nao wanfala taem, Herod hemi mekem bikfala fist fo makem de wea hemi bon long hem. Hemi talem evri bikman long gavman blong hem an evri Kapten long ami an evri sif blong Galili fo kam long fist ya. An long taem ya nao, Herodias hemi faendem wei fo kilim Jon dae.

Pijin Deuterocanon

²¹ Nao wanfala taem, Herod hemi mekem bikfala fist fo makem de wea hemi bon long hem. Hemi talem evri bikman long gavman blong hem an evri Kapten long ami an evri sif blong Galili fo kam long fist ya. An long taem ya nao, Herodias hemi faendem wei fo kilim Jon dae.

Gudnius abaotem Jisas Kraes wea Mak hemi raetem 6:21 ပူးပေါင်းရင်းမြစ်များ

Jenesis 27:41

Bihaen, Iso hemi barava no laekem Jekob nao, bikos dadi blong tufala hemi givim olketa blesing finis fo Jekob. Nao hemi gohed fo ting olsem, “Bae no longtaem, dadi blong mi ya hemi dae, an bae mifala gohed fo sore an krae fo hem. Bat bihaen bae mi kilim dae brata blong mi ya.”

Jenesis 40:20

Long mektri de blong hem long prisin, king ya hemi mekem wanfala fist fo makem taem wea hemi bon. Hemi mekem wanfala bikfala kaikai, an hemi kolem olketa bikman blong hem fo kam. An long ae blong olketa narafala bikman blong hem, hemi aotem kam tufala man blong hem ya moa, wea tufala stap long prisin.

Esta 3:7

Long fas mans, wea nem blong hem nao Nisan long mektuel yia wea King Sekses hemi rul, Haman hemi talem olketa man blong hem fo rolem olketa spesol ston fo faendemaot barava mans an de wea bae hemi duim samting falom datfala plan blong hem. Nao olketa faendemaot wea taem fo hemi duim samting falom plan ya nao, long mektetin de blong mektuel mans, wea nem blong hem nao Ada. (Olketa kolem olketa spesol ston ya, “purim”.)

Hosia 7:5

Long de wea king hemi mekem fist, hem wetem olketa bikman blong hem i joen wetem olketa nogud pipol ya fo dringim waen, go-go olketa drang fogud an krangge nao.

Gudnius abaotem Jisas Kraes wea Luk hemi raetem 3:1

Long mekfiftin yia wea Taebirias hemi stap olsem bikfala King long Rom, Pontias Paelat nao hemi Primia long provins long Jiudia. An Herod Antipas hemi rul ovarem provins long Galili, an brata blong hem Filip hemi rul ovarem tufala distrik long Iturea an Trakonaetis. An Lisanias hemi rul ovarem provins long Abilin,

Aposol 25:23

Long neks de, King Agripa an Benis tufala kam insaet long bikfala haos blong kot, an olketa pipol duim enikaen samting nao falom kastom blong olketa fo mekhae long tufala. Olketa kapten blong ami, an olketa bikfala man long taon ya tu olketa kam an sidaon wetem tufala ya. An Festas hemi talem samfala man fo tekem kam Pol insaet nao.

1 Pita 4:3

Plande taem finis, yufala bin falom wei blong olketa pipol hu i no biliv long God. Olketa ya nao i laek fo durong wetem eniwan nomoa, an olketa laekem tumas olketa nogud samting. An olketa gohed fo drang tumas, an mekem olketa bikfala fist fo kaikai an dring tumas an fo duim olketa samting wea hemi barava nogud. An olketa gohed tu fo wosipim olketa laea god.

Revelesin 11:10

An taem olketa pipol long wol, olketa herem dat tufala profet ya dae finis, bae olketa barava hapi fogud. Bae olketa mekem fist an gohed fo givim olketa presen long olketa seleva. Bikos tufala profet ya i bin mekem plande pipol long wol fo barava safa tumas.