Gudnius abaotem Jisas Kraes wea Mak hemi raetem 14:64 - Pijin Bible

⁶⁴ Yufala herem seleva finis nao wea hemi tokspoelem God ya. ?So wanem nao yufala talem?” Nao olketa jajem hem an olketa sei, “Man ya hemi mas dae ya.”

Pijin Deuterocanon

⁶⁴ Yufala herem seleva finis nao wea hemi tokspoelem God ya. ?So wanem nao yufala talem?” Nao olketa jajem hem an olketa sei, “Man ya hemi mas dae ya.”

Gudnius abaotem Jisas Kraes wea Mak hemi raetem 14:64 ပူးပေါင်းရင်းမြစ်များ

Levitikas 24:16

Eniwan hu hemi tokspoelem nem blong Yawe hemi mas dae. Nomata hemi blong yufala o eni strensa wea hemi stap wetem yufala, bat sapos hemi tokspoelem disfala tambu nem, yufala evriwan mas sutim hem dae long ston.

Gudnius abaotem Jisas Kraes wea Luk hemi raetem 22:71

So olketa tok olsem nao, “Hemi naf nao. Yumi no lukaotem eni man moa fo tok agensim hem. Yumi seleva bin herem wanem hemi talem finis nao.”

Gudnius abaotem Jisas Kraes wea Jon hemi raetem 19:7

Nao olketa Jiu ansarem hem olsem, “Nomoa. Hemi sei hem nao San Blong God ya. An long lo blong mifala, diskaen man hemi fitim fo hemi mas dae ya.”

Gudnius abaotem Jisas Kraes wea Jon hemi raetem 5:18

Disfala toktok ya, taem olketa bikman blong olketa Jiu olketa herem, olketa tingting strong fo kilim hem dae nao. I no bikos Jisas hemi brekem lo blong Sabat nomoa, bat narasamting moa hemi diswan wea hemi talem dat God nao hemi Dadi blong hem. Bikos diswan hemi somaot klia dat Jisas hemi mekem hem seleva wankaen olsem God.

Diutronomi 21:22

Mosis hemi gohed fo tok olsem, “Taem wanfala man hemi duim wanfala rong samting wea hemi fitim fo hemi dae long hem, maet yufala kilim hem dae an hangem bodi blong hem long wanfala tri.