Gudnius abaotem Jisas Kraes wea Mak hemi raetem 14:36 - Pijin Bible

³⁶ So hemi prea olsem, “Oo Aba, Dadi blong mi, yu nao garem paoa fo duim evrisamting nomoa. Plis yu no letem mi fo safa long diskaen wei ya. Bat yu no falom wanem mi laekem, bat yu falom nomoa wanem yu laekem.”

Pijin Deuterocanon

³⁶ So hemi prea olsem, “Oo Aba, Dadi blong mi, yu nao garem paoa fo duim evrisamting nomoa. Plis yu no letem mi fo safa long diskaen wei ya. Bat yu no falom wanem mi laekem, bat yu falom nomoa wanem yu laekem.”

Gudnius abaotem Jisas Kraes wea Mak hemi raetem 14:36 ပူးပေါင်းရင်းမြစ်များ

Jenesis 18:14

Mi nao Yawe ya. ?Yutufala tingse hemi had tumas fo mi mekem enisamting olsem? Mi talem finis, bihaen long meknaen mans long semtaem olsem neks yia, bae mi kambaek fo lukim yutufala moa, an long taem ya, Sera bae hemi garem finis wanfala pikinini boe.”

Jeremaea 32:27

“Mi nao Yawe, God blong evri pipol long wol. No enisamting hemi had tumas fo mi, wea mi no save mekem.

Matiu 26:39

Nao Jisas hemi go farawe lelebet from olketa, an hemi nildaon an hemi prea olsem nao, “Oo Dadi blong mi, sapos hemi no had tumas, plis yu no mekem mi fo safa long diskaen wei ya. Bat yu no falom wanem mi laekem, bat yu falom wanem yu laekem.”

Matiu 26:42

Bihaen, Jisas hemi go moa long mektu taem an hemi prea olsem, “Oo Dadi blong mi, sapos mi mas safa long diskaen wei ya, oraet, letem hem gohed olsem nao falom wanem yu laekem.”

Matiu 6:9

So taem yufala prea, yufala mas prea olsem, ‘Dadi blong mifala long heven, nem blong yu nao hemi mas stap bikfala.

Gudnius abaotem Jisas Kraes wea Mak hemi raetem 10:27

Bat Jisas hemi luk go long olketa an hemi sei, “Hemi had tumas fo eni man fo duim ya, bat fo God hemi no had, bikos hemi save duim evrisamting nomoa.”

Gudnius abaotem Jisas Kraes wea Mak hemi raetem 10:39

An tufala sei, “Ya, mitufala save duim nomoa.” So Jisas hemi sei moa long tufala, “Hemi tru, bae yutufala safa long diskaen wei wea bae mi safa long hem ya, an bae yutufala go insaet long samting olsem baptaes wea bae mi dae long hem.

Gudnius abaotem Jisas Kraes wea Mak hemi raetem 14:37

Jisas hemi gobaek long trifala disaepol ya an hemi lukim olketa si-slip nomoa. So hemi tok long Pita olsem, “?Waswe Saemon, yu slip nomoa? ?Hao nao yu no save lukaot wetem mi, nomata fo wan aoa nomoa?

Gudnius abaotem Jisas Kraes wea Jon hemi raetem 12:27

Nao Jisas hemi sei moa, “Long distaem, tingting blong mi hemi barava trabol tumas nao. ?An wanem nao bae mi save talem? ?Bae mi sei, ‘Oo Dadi, plis yu no letem disfala had samting fo kasem mi’? Nomoa, mi mas go insaet long disfala hadtaem nao ya. Dastawe nao mi kam long disfala wol ya.

Gudnius abaotem Jisas Kraes wea Jon hemi raetem 18:11

Jisas hemi sei long Pita, “!Yu putumbaek naef ya long paos blong hem! !Bae mi mas safa falom wanem Dadi blong mi hemi laekem mi fo duim!”

Gudnius abaotem Jisas Kraes wea Jon hemi raetem 4:34

Nao Jisas hemi talem olsem, “Kaikai blong mi nao hemi fo obeim man wea hemi sendem mi kam an fo duim disfala waka wea hemi givim long mi, go-go mi barava finisim.

Gudnius abaotem Jisas Kraes wea Jon hemi raetem 5:30

Jisas hemi talem olketa moa olsem, “Mi no save duim enisamting falom tingting blong mi seleva. Mi save jajem pipol falom wanem God hemi talem long mi. So hao mi jajem olketa hemi stret fogud, bikos mi no trae fo duim nomoa wanem mi laekem seleva, bat mi duim wanem man hu hemi sendem mi kam nao hemi laekem.

Galesia 4:6

An fo somaot dat yumi olketa pikinini blong hem tru, God hemi sendem kam Spirit blong San blong hem fo stap long laef blong yumi. An Spirit ya hemi singaot olsem, “!Oo Aba, Dadi blong mi!”

Filipae 2:8

an hemi barava olsem wanfala man blong wol nomoa. Hemi hambol tumas an hemi obeim God olowe, go-go hemi dae taem olketa nilam hem long wanfala kros.

2 Timoti 2:13

Nomata yumi no save kipim olketa promis blong yumi, hem bae gohed fo kipim olketa promis blong hem oltaem nomoa, bikos hemi had fo hemi brekem promis blong hem.

Taetas 1:2

Tru toktok ya hemi abaotem laef wea hemi no save finis. Yumi weitem disfala laef bikos God hu hemi no save laea hemi promisim finis taem hemi no mekem disfala wol yet.

Hibrus 6:18

So God hemi talemaot dat bae hemi blesim laen blong Ebraham an hemi mekem strongfala promis fo duim olsem. Tufala samting ya no save sens bikos God no save laea. An yumi hu i trastem God fo hemi kipim yumi sef, tufala samting ya save strongim tingting blong yumi fo holestrong long biliv wea bae hemi duim wanem hemi promisim.