Gudnius abaotem Jisas Kraes wea Mak hemi raetem 14:15 - Pijin Bible

¹⁵ Bae hemi tekem yutufala fo go long wanfala bikfala rum wea hemi stap antap, wea evrisamting blong hem hemi stap finis. Long ples ya nao bae yutufala mekredi long olketa samting fo yumi.”

Pijin Deuterocanon

¹⁵ Bae hemi tekem yutufala fo go long wanfala bikfala rum wea hemi stap antap, wea evrisamting blong hem hemi stap finis. Long ples ya nao bae yutufala mekredi long olketa samting fo yumi.”

Gudnius abaotem Jisas Kraes wea Mak hemi raetem 14:15 ပူးပေါင်းရင်းမြစ်များ

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Provebs 16:1

Haat blong man save mekem plan. Yawe nomoa save talem hem oraet.

Gudnius abaotem Jisas Kraes wea Mak hemi raetem 14:14

go-go yutufala kasem haos wea hemi go insaet. An bae yutufala talem olsem long man wea hemi onam haos ya, ‘Tisa nao hemi askem yu kam olsem, ?Wea nao rum fo mi wetem olketa disaepol blong mi bae mifala kaikaim disfala kaikai blong Pasova long hem?’

Gudnius abaotem Jisas Kraes wea Mak hemi raetem 14:16

So taem tufala disaepol ya go insaet long biktaon ya nomoa, tufala lukim evrisamting hemi hapen olsem Jisas hemi bin talem. So tufala gohed nao fo mekredi long kaikai blong Pasova.

Gudnius abaotem Jisas Kraes wea Jon hemi raetem 21:17

Nao Jisas hemi askem hem moa long mektri taem, “Saemon, san blong Jon. ?Waswe, yu lavem mi?” Long taem ya, Pita hemi barava filnogud nao, bikos Jisas hemi askem hem moa long mektri taem nao, “?Waswe, yu lavem mi?” So Pita hemi sei olsem nao, “Masta, yu save long evrisamting, an yu save dat mi lavem yu.” So Jisas hemi talem long hem nao, “Yu lukaftarem gud olketa sipsip blong mi.

Aposol 1:13

Taem olketa kasem Jerusalem, olketa go stret long disfala rum antap long wanfala haos wea olketa save hipap long hem long taem ya. An olketa ya nao olsem, Pita, an Jon, an Jemes, an Andru, an Filip, an Tomas, an Batolomiu, an Matiu, an Jemes hu hemi san blong Alfeas, an Saemon wea hemi memba long seksin wea olketa wande fo raosim olketa soldia blong Rom, an Jiudas hu hemi san blong Jemes.

Aposol 20:8

An plande lam tu olketa laet insaet long disfala rum long antap, wea mifala stap long hem.

2 Timoti 2:19

Bat nomata olsem, God hemi putum finis gudfala faondesin long sios, an diswan hemi gohed fo stanap strong. An olketa toktok wea olketa raetem long faondesin ya hemi sei, “Masta hemi savegud long olketa pipol blong hem,” an nara toktok hemi sei olsem, “Olketa pipol hu i sei olketa nao pipol blong Masta, olketa mas lusim olketa ravis wei blong olketa.”

Hibrus 4:13

Long evrisamting wea God hemi mekem, no enisamting nao i save haed long hem. Hemi lukim evrisamting barava klia tumas. An wanfala de, bae yumi stanap frant long God fo hemi jajem yumi long evrisamting yumi bin duim.