Gudnius abaotem Jisas Kraes wea Mak hemi raetem 12:19 - Pijin Bible

¹⁹ “Tisa, Mosis hemi raetem finis wanfala lo fo yumi wea hemi sei, ‘Sapos wanfala man hemi dae from waef blong hem taem tufala no garem eni pikinini yet, bae brata blong hem hemi mas sensim hem an maritim moa disfala woman ya. Long wei ya, bae olketa pikinini blong tufala ya bae olketa kamap olsem olketa pikinini blong nara brata hu hemi dae finis ya.’

Pijin Deuterocanon

¹⁹ “Tisa, Mosis hemi raetem finis wanfala lo fo yumi wea hemi sei, ‘Sapos wanfala man hemi dae from waef blong hem taem tufala no garem eni pikinini yet, bae brata blong hem hemi mas sensim hem an maritim moa disfala woman ya. Long wei ya, bae olketa pikinini blong tufala ya bae olketa kamap olsem olketa pikinini blong nara brata hu hemi dae finis ya.’

Gudnius abaotem Jisas Kraes wea Mak hemi raetem 12:19 ပူးပေါင်းရင်းမြစ်များ

Jenesis 38:8

Nao Jiuda hemi tok olsem long mektu pikinini ya Onan, “Hemi gud fo yu tekem wido ya blong brata blong yu. Hasban blong hem, hemi barava brata blong yu ya, an hemi gud fo yu stap wetem hem, mekem long wei ya nao bae brata blong yu hu hemi dae finis hemi save garem olketa pikinini blong hem.”

Gudnius abaotem Jisas Kraes wea Mak hemi raetem 12:20

Nao, sevenfala brata olketa stap. Fasbon brata hemi maritim wanfala woman, bat hemi no garem eni pikinini nomoa an hemi dae.

Gudnius abaotem Jisas Kraes wea Luk hemi raetem 20:33

?Nao long taem wea evriwan i laefbaek moa, bae woman ya hemi barava waef blong hu nao long olketa ya? Bikos sevenfala brata ya nao evriwan bin maritim disfala woman ya.”

Stori abaotem Rut 4:5

Boas hemi tok olsem, “Oraet, sapos yu peimaot graon ya long Neomi, yu mas maritim Rut tu, disfala wido woman ya hu hemi marit bifoa long pikinini blong Elimelek. Long wei ya nao, bae graon ya hemi gohed fo stap long nem blong man ya, an fo garem pikinini fo lukaftarem pisgraon ya.”