Gudnius abaotem Jisas Kraes wea Mak hemi raetem 11:28 - Pijin Bible

²⁸ An olketa askem hem olsem, “?Watkaen paoa nao yu garem fo duim olketa samting ya? ?An hu nao hemi givim paoa ya long yu?”

Pijin Deuterocanon

²⁸ An olketa askem hem olsem, “?Watkaen paoa nao yu garem fo duim olketa samting ya? ?An hu nao hemi givim paoa ya long yu?”

Gudnius abaotem Jisas Kraes wea Mak hemi raetem 11:28 ပူးပေါင်းရင်းမြစ်များ

Eksodas 2:14

Bat man ya hemi ansa olsem, “!Ei! ?Hu nao putum yu fo bos long mifala, an fo jajem mifala? ?Waswe, yu laek fo kilim mi dae tu olsem datfala man blong Ijip wea yu kilim dae yestade?” So Mosis hemi fraet nao, bikos hem tingse evriwan save finis long samting wea hemi bin duim.

Nambas 16:13

!Yu lukim! !Yu bin tekem mifala aot from nambawan ples long Ijip fo kilim mifala dae long disfala drae eria! ?Waswe nao yu laek fo bosim mifala?

Nambas 16:3

Olketa kam tugeta long Mosis an Eron, an olketa tok olsem long tufala, “!Ei! !Yutufala i tumas nao! Mifala evriwan long disfala grup i holi, an Yawe hemi stap wetem mifala. ?Waswe nao yutufala tingse yutufala hae moa winim mifala?”

Gudnius abaotem Jisas Kraes wea Mak hemi raetem 11:27

Nao olketa kambaek moa long Jerusalem. An taem Jisas hemi wakabaot go long eria long disfala Tambuhaos ya nomoa, olketa hedprist an olketa tisa blong Lo an olketa nara bikman olketa kam long hem nao.

Gudnius abaotem Jisas Kraes wea Mak hemi raetem 11:29

Nao Jisas hemi sei long olketa olsem, “Mi tu, mi wande fo askem yufala wanfala kuestin fastaem. Sapos yufala save ansarem kuestin blong mi, oraet, bae mi save talem yufala abaotem watkaen paoa nao mi garem fo duim olketa samting ya.

Aposol 7:51

“Maewat, yufala barava bikhed tumas ya. Tingting blong yufala hemi olsem olketa hu i no Jiu, an yufala nating wande fo herem toktok blong God. Oltaem, yufala agensim Holi Spirit olsem olketa olo blong yufala long bifoa.