Matiu 6:28 - Pijin Bible

²⁸ “An yufala mas no wari abaotem kaleko fo werem. Yufala tingting gud fastaem long olketa flaoa wea olketa grou olobaot ya. Olketa no duim eni waka an olketa no mekem eni kaleko.

Pijin Deuterocanon

²⁸ “An yufala mas no wari abaotem kaleko fo werem. Yufala tingting gud fastaem long olketa flaoa wea olketa grou olobaot ya. Olketa no duim eni waka an olketa no mekem eni kaleko.

Matiu 6:28 ပူးပေါင်းရင်းမြစ်များ

Hosia 14:5

Bae mi mekem olketa fo stap gud moa, olsem wea ren hemi foldaon long drae graon an mekem hem kamap gud moa. Bae olketa olsem barava naes flaoa. Ya, bae olketa stanap strong olsem olketa sida tri long Lebanon, wea rut blong olketa hemi barava godaon dip insaet long graon.

Matiu 10:10

an yufala mas no tekem eni basket o sandol o wokingstik wetem yufala long rod. An yufala tekem nomoa wanfala kaleko. Bikos man hu hemi waka, hemi fitim fo olketa lukaotem hem ya.

Matiu 6:25

“Hem nao mi talem long yufala, yufala mas no wari abaotem wanem nao bae yufala kaikaim an dringim fo mekem yufala stap laef. An yufala mas no wari tu abaotem wanem nao bae yufala werem long bodi. Bikos laef nao hemi bikfala samting moa winim kaikai, an bodi nao hemi bikfala samting moa winim kaleko wea yufala werem ya.

Matiu 6:27

An nomata yufala wari tumas long laef blong yufala, yufala no save mekem laef blong yufala fo stap lelebet longtaem go moa.

Matiu 6:31

“Yufala mas no wari an sei, ‘?Wanem nao bae yumi kaikaim an dringim, an wanem nao bae yumi werem?’

Gudnius abaotem Jisas Kraes wea Luk hemi raetem 10:41

Nao Masta hemi sei, “Mata, Mata, yu save wari tumas ya, an yu tingting tumas abaotem plande samting,

Gudnius abaotem Jisas Kraes wea Luk hemi raetem 12:11

“Bae olketa tekem yufala go long kot long olketa preahaos, an long frant blong olketa primia an long olketa nara man hu i rulim yufala. Bat long taem ya, yufala no wari abaotem wanem nao fo talem an hao nao fo ansarem toktok blong olketa.

Gudnius abaotem Jisas Kraes wea Luk hemi raetem 12:22

Jisas hemi tok olsem long olketa disaepol blong hem, “Dastawe nao mi talem long yufala, yufala mas no wari abaotem wanem nao bae yufala kaikaim, mekem yufala stap laef. An yufala mas no wari tu abaotem wanem nao bae yufala save werem long bodi.

Gudnius abaotem Jisas Kraes wea Luk hemi raetem 12:27

Yufala tingting fastaem long olketa flaoa wea olketa grou olobaot. Olketa no duim eni waka an olketa no mekem eni kaleko. Bat mi talem long yufala, olketa flaoa ya barava lukgud tumas winim King Solomon hu hemi ris tumas an hemi werem enikaen barava spesol kaleko blong hem.

Gudnius abaotem Jisas Kraes wea Luk hemi raetem 3:11

Nao Jon hemi sei long olketa, “Eniwan long yufala hu hemi garem tufala kaleko, hemi mas givim wanfala fo man wea hemi no garem. An eniwan hu i garem kaikai, hemi mas searem wetem man hu hemi no garem eni kaikai.”

Filipae 4:6

Yufala mas no wari long enisamting, bat evritaem yufala prea long God, yufala mas tengkiu long hem an talem hem wanem yufala nidim.

1 Pita 5:7

Hem nao hemi save lukaftarem yufala gudfala, so yufala mas putum evri trabol blong yufala long han blong hem.