Matiu 4:13 - Pijin Bible

¹³ Long taem ya, Jisas hemi no stap long taon long Nasaret moa, bat hemi go stap long taon long Kapaneam wea hemi kolsap long leik long Galili. Long bifoa kam, disfala eria hemi lan wea olketa givim long traeb blong Sebulun an Naftali.

Pijin Deuterocanon

¹³ Long taem ya, Jisas hemi no stap long taon long Nasaret moa, bat hemi go stap long taon long Kapaneam wea hemi kolsap long leik long Galili. Long bifoa kam, disfala eria hemi lan wea olketa givim long traeb blong Sebulun an Naftali.

Matiu 4:13 ပူးပေါင်းရင်းမြစ်များ

Matiu 11:23

?An yufala pipol long Kapaneam, yufala tingse God bae hemi liftim yufala goap long heven? !Nomoa ya! !Bae God hemi torowem yufala godaon long hel ya! Olketa mirakol wea olketa bin hapen long taon blong yufala ya, sapos olketa bin hapen long Sodom, ating Sodom hemi stap yet ya.

Matiu 17:24

Taem Jisas an olketa disaepol blong hem olketa kasem taon long Kapaneam, olketa man fo tekem taks go long Tambuhaos, olketa kam an askem Pita olsem nao, “?Tisa blong yufala hemi save peim taks tu ya?”

Matiu 4:14

Jisas hemi go stap long ples ya, mekem toktok wea profet Aesaea hemi talemaot bifoa hemi kamtru, wea hemi sei,

Matiu 4:15

“Lan blong Sebulun an Naftali, long rod wea hemi go kasem si, long narasaet go long Jodan, hem nao Galili wea plande long olketa pipol hu i no Jiu olketa stap long hem.

Matiu 9:1

Nao Jisas an olketa disaepol blong hem olketa go insaet long bot an olketa katkros kambaek moa long leik ya. Taem olketa kasembaek ples blong hem,

Gudnius abaotem Jisas Kraes wea Mak hemi raetem 1:21

Nao Jisas wetem olketa disaepol blong hem olketa kam kasem taon long Kapaneam. Nao long Sabat de nomoa, Jisas hemi go insaet long preahaos, an hemi stat fo tisim olketa pipol nao.

Gudnius abaotem Jisas Kraes wea Mak hemi raetem 2:1

Nao bihaen samfala de moa, Jisas hemi kambaek moa long Kapaneam. Olketa pipol olketa herem nius wea Jisas hemi stap nao long haos blong hem.

Gudnius abaotem Jisas Kraes wea Luk hemi raetem 10:15

?An yufala pipol long Kapaneam, waswe, yufala tingse God bae hemi liftim yufala goap long heven? !Nomoa ya! !Bae God hemi torowem yufala godaon long hel ya!”

Gudnius abaotem Jisas Kraes wea Luk hemi raetem 4:23

Nao Jisas hemi tok olsem long olketa, “Ating kolsap yufala talem disfala toktok wea hemi sei, ‘Dokta, yu mekem yu seleva fo gudbaek fastaem.’ An bae yufala talem mi tu, ‘Olketa samting yu bin duim kam long Kapaneam, hemi gud sapos yu duim long hia tu long ples blong yu.’”

Gudnius abaotem Jisas Kraes wea Jon hemi raetem 2:12

Bihaen diswan, Jisas wetem mami blong hem an olketa brata blong hem an olketa disaepol blong hem olketa godaon long taon long Kapaneam nao, an olketa stap long ples ya fo samfala de nomoa.

Gudnius abaotem Jisas Kraes wea Jon hemi raetem 4:46

Nao Jisas hemi wakabaot kambaek moa long vilij long Kena long Galili wea hemi bin mekem wata fo kamap waen long hem bifoa. Taem hemi stap long ples ya, wanfala bikman long taon long Kapaneam wea hemi waka long gavman, boe blong hem hemi sik tumas.

Gudnius abaotem Jisas Kraes wea Jon hemi raetem 6:17

an olketa go insaet long bot blong olketa, an olketa stat fo katkros go moa long leik ya fo go long taon long Kapaneam. Olketa go-gohed, go-go hemi naet nao, bat Jisas hemi no kam yet long olketa.

Gudnius abaotem Jisas Kraes wea Jon hemi raetem 6:24

Nao taem olketa pipol i luksave dat Jisas wetem olketa disaepol blong hem olketa no stap nomoa, olketa go insaet long olketa bot ya nao, an olketa katkros go long leik ya fo go long Kapaneam fo lukaotem Jisas moa.

Gudnius abaotem Jisas Kraes wea Jon hemi raetem 6:59

Jisas hemi talemaot olketa tising ya insaet long preahaos long taon long Kapaneam.