Matiu 27:66 - Pijin Bible

⁶⁶ So olketa go long kev ya, an olketa satem gud an olketa putum mak long hem fo stopem olketa pipol fo no openem, an olketa letem olketa soldia fo sekiuriti gudfala long kev ya nao.

Pijin Deuterocanon

⁶⁶ So olketa go long kev ya, an olketa satem gud an olketa putum mak long hem fo stopem olketa pipol fo no openem, an olketa letem olketa soldia fo sekiuriti gudfala long kev ya nao.

Matiu 27:66 ပူးပေါင်းရင်းမြစ်များ

Daniel 6:17

Olketa satem hol ya long wanfala bikfala ston, an king wetem olketa bikman blong hem i putum mak long ston ya, mekem no eniwan save sensim enisamting moa abaotem Daniel.

Matiu 27:60

An hemi putum insaet long niufala kev blong hem seleva wea olketa bin wakem insaet long bikfala ston. Bihaen moa, Josef hemi rolem wanfala bikfala ston fo satem frant long kev ya an hemi go nao.

Matiu 27:65

Nao Paelat hemi sei long olketa, “!Yufala nao go fo siusim samfala soldia, mekem yufala save sekiuriti gudfala long disfala kev ya!”

Matiu 28:11

Nao semtaem tufala woman ya wakabaot gobaek long rod nomoa, samfala long olketa sekiuriti ya olketa go insaet long biktaon ya nao, an olketa stori long olketa hedprist abaotem evrisamting wea hemi hapen ya.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Gudnius abaotem Jisas Kraes wea Mak hemi raetem 16:4

Bat taem olketa kasem ples ya nomoa, olketa lukim dat disfala bik ston ya olketa rolem go finis nao.

Gudnius abaotem Jisas Kraes wea Jon hemi raetem 20:1

Long eli moning long fas de long wik, taem hemi tudak yet, Meri blong Magdala ya hemi go long disfala kev ya. Taem hemi kasem kev ya, hemi lukim dat disfala ston wea olketa satem kev ya long hem, olketa tekemaot nao.

2 Timoti 2:19

Bat nomata olsem, God hemi putum finis gudfala faondesin long sios, an diswan hemi gohed fo stanap strong. An olketa toktok wea olketa raetem long faondesin ya hemi sei, “Masta hemi savegud long olketa pipol blong hem,” an nara toktok hemi sei olsem, “Olketa pipol hu i sei olketa nao pipol blong Masta, olketa mas lusim olketa ravis wei blong olketa.”

Josua 10:18

So Josua hemi tok olsem long olketa man blong hem, “Yufala rolem go samfala bikfala ston fo satem maos blong kev ya. An yufala mas putum samfala man fo gadem ples ya.

Revelesin 20:3

Den enjel ya hemi torowem snek ya insaet long hol ya, an hemi satem doa blong disfala ples an hemi lokem strong. Bikfala snek ya bae hemi stap insaet long hol ya fo 1,000 yia, mekem hemi no save laea moa long olketa pipol long wol. Bat bihaen long 1,000 yia, bae enjel ya mas letem hem fri moa fo lelebet taem.