Matiu 27:5 - Pijin Bible

⁵ So Jiudas hemi torowem go olketa seleni ya insaet long Tambuhaos ya, an hemi go aotsaet nao. Bihaen moa, hemi go an hangem hem seleva nao.

Pijin Deuterocanon

⁵ So Jiudas hemi torowem go olketa seleni ya insaet long Tambuhaos ya, an hemi go aotsaet nao. Bihaen moa, hemi go an hangem hem seleva nao.

Matiu 27:5 ပူးပေါင်းရင်းမြစ်များ

2 Samuel 17:23

Taem Ahitofel hemi save dat olketa no falom plan blong hem, hemi redim dongki blong hem, an hemi raedem gobaek long hom blong hem. Den hemi stretem evri bisnis blong hem. Bihaen hemi tekem rop, an hemi go hangem hem seleva dae. An olketa famili blong hem i berem hem long beregraon blong olketa.

1 Kings 16:18

Bat taem Simri hemi lukim dat Omri wetem ami blong hem i winim taon ya, hemi ranawe go insaet long bikfala haos blong king, an hemi bonem haos ya, so hemi dae.

Stori abaotem Job 2:9

Den waef blong hem hemi tok olsem long hem, “?Waswe nao, yu gohed fo falom stretfala wei nomoa? !Hemi moabeta yu tokspoelem God an yu dae nao!”

Stori abaotem Job 7:15

Long olketa samting ya, mi no laek fo laef nao. Mi laekem nomoa samwan fo skuisim nek blong mi mekem mi dae.

Sams 55:23

God, bae yu torowem olketa hu i kilim man dae an olketa hu i laea, fo go insaet long olketa grev blong olketa seleva, taem olketa yangfala yet. Bat bae mi gohed fo trastem yu nomoa. (Singsing blong Deved. Hemi wakem bihaen long taem wea olketa long Filistia i holem hem long taon long Gat.)

Matiu 26:61

an sei, “Disfala man ya hemi bin sei, ‘Mi ya, mi save brekemdaon disfala Tambuhaos blong God ya, an mi save wakembaek moa insaet trifala de nomoa.’”

Matiu 27:6

Taem olketa hedprist tekem disfala seleni ya nomoa, olketa sei olsem nao, “Disfala seleni ya hemi seleni blong blad blong man ya, so hemi tambu long Lo blong yumi fo putum diswan wetem seleni blong Tambuhaos ya.”

Gudnius abaotem Jisas Kraes wea Luk hemi raetem 1:21

Long taem ya, olketa pipol gohed fo weit yet fo Sekaraea fo kamaot. An olketa barava sapraes tumas nao, from hemi stap longtaem tumas insaet long Tambuhaos ya.

Gudnius abaotem Jisas Kraes wea Luk hemi raetem 1:9

An falom kastom blong olketa prist, olketa mas rolem spesol ston fo faendemaot hu nao man fo go insaet long Tambuhaos ya fo bonem insens. An long taem ya, tufala ston somaot Sekaraea, so hem nao hemi go insaet long Tambuhaos ya.

Jajis 9:54

Seknomoa, sif ya hemi tok long yangfala soldia wea hemi karim olketa samting fo faet blong hem, an hemi sei olsem, “Tekem naef fo faet blong yu an kilim mi dae. Nogud olketa sei, ‘O, wanfala woman nomoa hemi kilim hem dae.’” So soldia ya hemi tekem naef fo faet an kilim hem dae nao.