Matiu 26:75 - Pijin Bible

⁷⁵ An Pita hemi tingimbaek toktok blong Jisas bifoa nao wea hemi sei, “Taem kokorako hemi no krae yet, bae trifala taem nao yu talem yu nating save long mi.” So Pita hemi go aotsaet an hemi gohed fo krae bikfala nao.

Pijin Deuterocanon

⁷⁵ An Pita hemi tingimbaek toktok blong Jisas bifoa nao wea hemi sei, “Taem kokorako hemi no krae yet, bae trifala taem nao yu talem yu nating save long mi.” So Pita hemi go aotsaet an hemi gohed fo krae bikfala nao.

Matiu 26:75 ပူးပေါင်းရင်းမြစ်များ

Matiu 10:33

Bat eniwan hu hemi talemaot long olketa pipol wea hemi no blong mi, bae mi tu mi talem long Dadi blong mi long heven wea disfala man ya hemi nating blong mi.”

Matiu 26:34

Bat Jisas hemi sei long hem, “Pita, mi talem yu tru samting nao, bae long disfala naet, taem kokorako hemi no krae yet, trifala taem nao bae yu talem yu nating save long mi.”

Matiu 26:74

Bat Pita hemi sei, “!Tru antap long God nao! !Bae God hemi panisim mi sapos mi laea! !Mi nating save long disfala man ya!” Bat long semtaem nomoa, kokorako hemi krae nao.

Gudnius abaotem Jisas Kraes wea Jon hemi raetem 13:38

Jisas hemi ansarem hem olsem, “?Waswe, bae yu barava wiling fo dae fo helpem mi? Mi talem yu tru samting nao, long taem kokorako hemi no krae yet, bae trifala taem nao yu sei yu nating save long mi.”

1 Korin 4:7

?Bikos hu nao i mekem yu fo kamap bikman winim olketa narawan? !Evrisamting yu garem ya, God nomoa hemi givim long yu! ?So hao nao yu save praod tumas long olketa samting, olsem yu nao yu mekem samting fo kamap?

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

1 Pita 1:5

Yufala biliv finis long God hu hemi lukaftarem yufala gud long paoa blong hem, go-go hemi sevem yufala. An God hemi redi finis fo mekem diswan kamtru long Lasde.