Matiu 25:5 - Pijin Bible

⁵ Nao disfala man fo marit ya, hemi no kam kuiktaem. So tenfala gele ya, olketa weitem hem go-go olketa taet tumas an olketa slip nao.

Pijin Deuterocanon

⁵ Nao disfala man fo marit ya, hemi no kam kuiktaem. So tenfala gele ya, olketa weitem hem go-go olketa taet tumas an olketa slip nao.

Matiu 25:5 ပူးပေါင်းရင်းမြစ်များ

Nambawan Singsing 3:1

Taem mi slip long bed long naet, mi gohed fo drim wea mi lukaotem daling blong mi, bat mi no save faendem.

Nambawan Singsing 5:2

Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Nambawan Singsing 5:3

Bat mi tok olsem, “Mi tekemaot finis kaleko blong mi an mi redi fo slip nao. ?Mi mas werem moa? An mi wasim finis lek blong mi. ?Mi mas mekem hemi doti moa?”

Habakuk 2:3

Yu mas raetemdaon bikos taem blong olketa samting ya fo hapen, hemi no kam yet. Bat no longtaem, evrisamting wea bae mi somaot long yu hemi mas hapen. Yu maet tingse wea olketa samting ya bae hemi slou fo hapen. Bat yu mas gohed fo weit nomoa bikos bae hemi mas hapen long raet taem blong hem.

Matiu 24:48

Bat sapos hemi wanfala nogud wakaman, bae hemi tok olsem long hem seleva ya, ‘Bos blong mi hemi no save kambaek kuiktaem yet ya.’

Matiu 25:19

“Bihaen lelebet longtaem, disfala bos blong olketa wakaman ya hemi kambaek nao. Nao hemi wande fo faendemaot hao olketa wakaman blong hem olketa yusim seleni blong hem.

Matiu 25:4

Bat faefala gele hu olketa garem gudfala tingting ya, olketa tekem go olketa lam, an olketa tekem go oel long botol wetem olketa tu.

Matiu 25:6

“Bat kasem long midol long naet nomoa, wanfala man hemi singaot olsem kam nao, ‘!Olketa! !Man fo marit ya hemi kam nao, yufala kam fo mitim hem!’

Matiu 26:40

Jisas hemi gobaek long trifala disaepol, an hemi lukim dat olketa barava slip nao. So hemi tok olsem long Pita, “?Hao nao yutrifala no save lukaot wetem mi nomata fo wanfala aoa nomoa?

Matiu 26:43

Nao taem Jisas hemi kambaek moa, hemi lukim olketa gohed fo slip nomoa bikos ae blong olketa barava hevi fogud nao.

Gudnius abaotem Jisas Kraes wea Luk hemi raetem 1:21

Long taem ya, olketa pipol gohed fo weit yet fo Sekaraea fo kamaot. An olketa barava sapraes tumas nao, from hemi stap longtaem tumas insaet long Tambuhaos ya.

Gudnius abaotem Jisas Kraes wea Luk hemi raetem 12:45

Bat sapos wakaman ya hemi tok olsem long hem seleva, ‘Bos blong mi hemi no save kambaek kuiktaem ya.’ So hemi gohed fo ki-kilim olketa nara man an olketa nara woman wea olketa waka ya, an hemi gohed fo kaikai an dring go-go hemi drang fogud nao.

Gudnius abaotem Jisas Kraes wea Luk hemi raetem 18:8

Mi talem long yufala, bae hemi helpem olketa fo stretem trabol blong olketa ya kuiktaem nomoa. ?Bat waswe taem mi San Blong Man mi kambaek, bae mi save lukim plande pipol hu olketa biliv long mi tu o nomoa?”

Gudnius abaotem Jisas Kraes wea Luk hemi raetem 20:9

Bihaen, Jisas hemi gohed moa fo talem disfala tokpiksa long olketa, “Wanfala man hemi plantem wanfala plantesin long grep tri an hemi letem samfala man fo haerem plantesin blong hem ya. An hemi go fo stap long nara ples fo longtaem.

Leta wea Pol hemi raetem go long sios long Rom 13:11

Mi talem yufala fo duim olketa samting ya, bikos yufala save finis long disfala taem wea yumi stap long hem. Hemi kasem taem nao fo yufala wekap long slip blong yufala, bikos distaem hemi kolsap tumas nao fo God hemi kam fo sevem yumi, winim taem wea yumi jes stat fo biliv.

Efesas 5:14

Bikos enisamting wea olketa pipol barava luksave long hem, hemi kamap olsem laet nao. Dastawe nao olketa save sei, “!Yufala hu i save slip, yufala wekap nao! Yufala laefbaek moa from dae, mekem laet blong Kraes hemi saenaot long yufala.”

1 Pita 5:8

Yufala mas redi an lukaot gudfala. Bikos enemi blong yufala Seitan hemi olsem wanfala laeon wea hemi hanggre tumas, wea hemi goraon an singaot bikfala. Hemi gohed fo lukaotem eniwan fo hemi spoelem.

Revelesin 2:25

Yufala mas holemstrong olketa gudfala wei wea yufala garem finis, go-go kasem taem mi kambaek.