Matiu 25:33 - Pijin Bible

³³ Long taem ya, bae mi putum olketa pipol wea olketa stret long ae blong God, fo olketa stap long raetsaet blong mi, an olketa nara pipol, bae olketa stap long lefsaet blong mi.

Pijin Deuterocanon

³³ Long taem ya, bae mi putum olketa pipol wea olketa stret long ae blong God, fo olketa stap long raetsaet blong mi, an olketa nara pipol, bae olketa stap long lefsaet blong mi.

Matiu 25:33 ပူးပေါင်းရင်းမြစ်များ

1 Kings 2:19

Den hemi go lukim king from samting ya. Taem Batseba hemi kam insaet, king hemi stanap an baodaon long hem. Hemi sidaon moa long tron blong hem, an hemi talem olketa fo tekem kam wanfala tron fo kuin ya. So mami blong hem hemi kam sidaon long raet saet blong hem.

Sams 100:3

Yufala mas luksave dat Yawe nao hemi God. Yumi i blong hem ya bikos hem nao hemi mekem yumi. Ya, yumi nao olketa pipol blong hem wea hemi lukaftarem.

Sams 110:1

Yawe hemi tok olsem long King hu hemi masta blong mi, “Yu sidaon long raet saet blong mi, go-go kasem taem wea mi mekem olketa enemi blong yu fo stap andanit long paoa blong yu.”

Sams 45:9

Olketa woman wea i stap long haos blong yu, samfala i dota blong olketa king. Woman wea bae hemi kuin nao hemi stanap long raet saet long tron blong yu, an hemi werem olketa barava spesol samting wea olketa wakem long nambawan gol.

Sams 79:13

Sapos olsem, mifala hu i olsem sipsip blong yu, bae mifala talem tengkiu long yu olowe nao. Ya, mifala preisim yu evritaem olowe. (Singsing blong laen blong Asaf.)

Sams 95:7

Bikos hem nao hemi God blong yumi, an hemi lukaftarem yumi olketa pipol blong hem. Ya, hemi lukaftarem yumi an hemi gadem yumi olsem olketa sipsip blong hem. Tude, yufala mas herem toktok blong hem. God hemi tok olsem,

Eklesiastes 10:2

Waes man hemi falom saet blong stretfala wei, bat krangge man hemi falom saet blong ravis wei.

Gudnius abaotem Jisas Kraes wea Mak hemi raetem 16:19

Taem Jisas Masta blong olketa, hemi toktok long olketa finis nomoa, God hemi tekem hem go antap long heven nao. An hemi sidaon long raetsaet blong God.

Efesas 1:20

wea God hemi yusim taem hemi mekem Kraes fo laefbaek moa from dae, an mekem hem sidaon long raetsaet blong hem long heven.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.