Matiu 25:29 - Pijin Bible

²⁹ Bikos eniwan hu hemi yusim gud wanem hemi garem, bae mi givim go samfala moa long hem, an bae hemi garem plande nao. Bat eniwan hu hemi no yusim gud wanem hemi garem, nomata lelebet samting wea hemi garem, bae mi tekemaot from hem nomoa.

Pijin Deuterocanon

²⁹ Bikos eniwan hu hemi yusim gud wanem hemi garem, bae mi givim go samfala moa long hem, an bae hemi garem plande nao. Bat eniwan hu hemi no yusim gud wanem hemi garem, nomata lelebet samting wea hemi garem, bae mi tekemaot from hem nomoa.

Matiu 25:29 ပူးပေါင်းရင်းမြစ်များ

Lamentesin 2:6

Yawe hemi brekemdaon Tambuhaos blong hem, olsem hemi wanfala lif haos long gaden. Olketa bikde an olketa Sabat de, hemi mekem olketa blong Saeon fo fogetem. Bikos hemi kros tumas long olketa, hemi les long olketa king an prist evriwan.

Hosia 2:9

Bikos hemi olsem, bae mi tekemaot from hem, evri kaikai blong mi long gaden, wetem olketa frut long plantesin blong mi long grep. Olketa wul an olketa nambawan kaleko ya wea hemi yusim fo kavarem hem seleva long hem, bae mi aotem evriwan from hem, mekem hemi stap neket nomoa.

Matiu 13:12

Eniwan hu hemi garem save finis, bae God givim hem samfala moa, mekem hemi garem bikfala save tumas. Bat eniwan hu hemi no garem save ya, nomata lelebet save dat hemi garem, God bae hemi tekemaot from hem.

Matiu 21:41

Nao olketa sei long Jisas, “Bae hemi barava spoelem olketa ravis man ya an kilim olketa dae nao. An bae hemi letem olketa deferen man nao fo haerem moa plantesin ya, wea olketa wiling fo givim wanem olketa mas givim long hem, taem olketa frut ya kasem taem blong hem.”

Matiu 25:28

‘Yufala tekemaot seleni ya from han blong man ya, an yufala givim go long man ya wetem tenfala seleni ya.

Gudnius abaotem Jisas Kraes wea Mak hemi raetem 4:25

An eniwan hu hemi garem disfala save finis, bae God hemi givim hem plande moa. Bat eniwan hu hemi no garem disfala save ya, nomata lelebet save dat hemi garem, God bae hemi tekemaot from hem nomoa.”

Gudnius abaotem Jisas Kraes wea Luk hemi raetem 10:42

bat wanfala samting nomoa hemi bikfala samting ya. An Meri nao hemi bin siusim samting wea hemi nambawan, an no eniwan bae hemi tekemaot diswan from hem ya.”

Gudnius abaotem Jisas Kraes wea Luk hemi raetem 8:18

“So bikos hemi olsem, yufala mas heremgud, bikos eniwan wea hemi garem save finis, bae God hemi givim hem samfala moa. Bat eniwan wea hemi no garem save ya, nomata lelebet save dat hemi garem, God bae hemi tekemaot from hem nomoa.”

Gudnius abaotem Jisas Kraes wea Jon hemi raetem 11:48

Sapos yumi letem disfala man fo go-gohed olsem olowe, bae evriwan i biliv long hem nao. An diswan nao bae hemi save mekem olketa bikman long gavman blong Rom fo kam an spoelem disfala tambuples blong yumi wetem evri pipol long kantri blong yumi nao.”

Gudnius abaotem Jisas Kraes wea Jon hemi raetem 15:2

Hemi katemaot eni brans blong mi sapos hemi no garem frut. Bat hemi klinim an katemsot nomoa evri brans wea hemi garem frut, mekem olketa save garem plande frut moa.

Revelesin 2:5

Yufala mas tingimbaek gudfala wei wea yufala bin stap long hem fastaem. Nao yufala mas lusim olketa ravis wei blong yufala, an yufala mas gohed moa fo duim wanem yufala bin duim kam fastaem. Bat sapos yufala no lusim olketa ravis wei blong yufala, bae mi kam an tekemaot disfala bikfala lam blong yufala.