Matiu 21:8 - Pijin Bible

⁸ Plande long olketa pipol i spredem kaleko blong olketa long rod an samfala moa olketa katem olketa smolfala brans blong olketa tri an olketa putum long rod.

Pijin Deuterocanon

⁸ Plande long olketa pipol i spredem kaleko blong olketa long rod an samfala moa olketa katem olketa smolfala brans blong olketa tri an olketa putum long rod.

Matiu 21:8 ပူးပေါင်းရင်းမြစ်များ

2 Kings 9:13

Seknomoa, evriwan i aotem longfala kaleko blong olketa an putum antap long olketa step, mekem hem stanap antap long olketa. Den olketa bloum trampet, an olketa singaot bikfala olsem, “!Jehu hemi king!”

Levitikas 23:40

Long fas de blong bikde, yufala mas tekem kam olketa nambawan frut from olketa tri blong yufala, an yufala mas tekem olketa lif blong pam tri, an olketa brans blong olketa tri wea hemi garem plande lif long hem, fo statem bikde ya. An yufala mas hapi an mekhae long mi Yawe God blong yufala.

Matiu 21:7

Tufala lidim kam dongki ya wetem pikinini blong hem. An tufala putum samfala kaleko blong tufala long baeksaet blong tufala dongki ya, an Jisas hemi sidaon antap.

Gudnius abaotem Jisas Kraes wea Mak hemi raetem 11:8

An plande pipol tu olketa spredem kaleko blong olketa long rod, an samfala moa olketa katem olketa smolfala brans blong olketa tri wea i stap long ples ya an olketa putum moa long rod.

Gudnius abaotem Jisas Kraes wea Luk hemi raetem 19:36

An taem Jisas hemi raed go long rod, olketa pipol olketa spredem kaleko blong olketa long rod tu.

Gudnius abaotem Jisas Kraes wea Jon hemi raetem 12:13

So olketa go an tekem olketa lif blong pam tri, an olketa holem go fo mitim Jisas nao. An olketa go-gohed fo singaot olsem, “!Preisim God! !God, yu blesim disfala man ya hu hemi kam long nem blong yu! !God, yu blesim disfala King blong mifala long Israel!”