Matiu 18:15 - Pijin Bible

¹⁵ An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Pijin Deuterocanon

¹⁵ An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Matiu 18:15 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Provebs 11:30

Wei blong gudfala man hemi mekem laef kamap. Wei blong waes man hemi mekem pipol i garem laef.

Levitikas 19:17

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

Matiu 18:14

Long sem wei tu, Dadi blong yufala long heven, hemi nating laekem eniwan long olketa smolfala pikinini ya fo lus.”

Matiu 18:21

Bihaen, Pita hemi kam an hemi askem Jisas olsem nao, “?Masta, sapos brata blong mi hemi go-gohed fo duim samfala samting agensim mi, haomas taem nao bae mi mas gohed fo fogivim hem? ?Ating sevenfala taem nao hemi naf ya?”

Matiu 18:35

Nao Jisas hemi sei moa, “Bae Dadi blong mi hemi duim olsem long yufala evriwan tu, sapos yufala no barava fogivim olketa brata blong yufala.”

Leta wea Pol hemi raetem go long sios long Rom 12:21

Yufala mas no letem olketa nogud wei fo winim yufala, bat yufala mas gohed strong long gudfala wei, mekem yufala winim olketa nogud wei.

1 Korin 8:12

Long disfala wei wea yufala save duim wanem hemi rong long olketa Kristin fren blong yufala an yufala save spoelem tingting blong olketa wea olketa no strong, yufala duim wanem hemi rong long Kraes nao ya.

2 Korin 7:12

Nomata mi raetem leta ya lastaem, mi no raetem bikos mi tingim nomoa disfala man hu hemi duim disfala rong samting agensim narafala man. An hemi no bikos mi tingim nomoa disfala narafala man tu. Mi bin raet go bikos mi wande mekem klia long yufala seleva, long ae blong God, wea yufala garem strongfala tingting fo obeim mifala.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

Kolosi 3:13

An taem eniwan long yufala hemi garem enisamting agensim eniwan long yufala, hemi gud fo tufala no filkros, bat tufala mas fogivim tufala. Masta hemi fogivim yufala finis, an long sem wei, yufala tu mas fogivim yufala evriwan.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.

2 Tesalonaeka 3:15

Bat yufala mas no mekem hem kamap enemi blong yufala. Hemi gud fo yufala wonem hem nomoa, bikos hem nao hemi Kristin fren blong yufala.

Taetas 3:10

Yu mas trae fo stretem eniwan hu hemi tisim pipol abaotem samting wea hemi mekem olketa raoa an divaed olobaot. Sapos yu wonem hem tufala taem finis, bat hemi no wiling fo obeim yu, yu mas tanem baeksaet long hem.

1 Pita 3:1

Long sem wei, yufala marit woman, yufala mas putum yufala andanit long paoa blong hasban blong yufala. Bikos, sapos samfala long olketa hasban i no biliv yet long toktok blong God, hemi gud sapos wei blong yufala nao bae hemi mekem olketa fo biliv. Bae yufala no nid fo talem enisamting long olketa.