Matiu 15:26 - Pijin Bible

²⁶ Nao Jisas hemi tok olsem long hem, “Hemi no stret fo tekem kaikai blong olketa pikinini an torowem go nomoa long olketa dog.”

Pijin Deuterocanon

²⁶ Nao Jisas hemi tok olsem long hem, “Hemi no stret fo tekem kaikai blong olketa pikinini an torowem go nomoa long olketa dog.”

Matiu 15:26 ပူးပေါင်းရင်းမြစ်များ

Matiu 15:25

Bat long taem ya, woman ya hemi kam nildaon long frant blong Jisas an hemi sei, “!Masta! !Plis yu helpem mi!”

Matiu 15:27

Nao woman ya hemi sei moa, “Masta, hemi tru ya, bat nomata olketa dog save kaikaim olketa smolfala pis kaikai wea olketa foldaon long andanit tebol blong bos blong olketa.”

Matiu 7:6

“Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

Leta wea Pol hemi raetem go long sios long Rom 9:4

Olketa nao God hemi siusim olketa, an hemi adoptem olketa olsem pikinini blong hem, an olketa tu bin lukim saen blong bikfala paoa blong hem. God hemi mekem olketa spesol agrimen blong hem wetem olketa, an hemi givim Lo long olketa. An olketa nao save long gudfala wei fo prea, an olketa bin herem olketa promis blong God.

Galesia 2:15

Hemi tru wea mifala bon kam olsem Jiu, an mifala no olsem olketa pipol hu i no Jiu wea olketa garem sin.

Efesas 2:12

Long bifoa, yufala barava farawe from Kraes, an yufala i no pat blong pipol blong Israel wea God hemi siusim olsem spesol pipol blong hem. Long taem ya, yufala i stap aotsaet long olketa spesol agrimen wea God hemi mekem wetem olketa pipol blong hem nomoa. An yufala stap long disfala wol bat yufala no garem eni promis fo weitem, an yufala no save long God.

Filipae 3:2

Yufala mas lukaot long olketa pipol hu i laekem tumas fo spoelem bodi wetem disfala kastom fo kate. Olketa olsem wael dog hu i gohed long olketa ravis samting.

Revelesin 22:15

Bat olketa nara pipol moa olketa no save go insaet. Hem nao olketa hu i falom olketa ravis wei, an olketa hu i gohed fo mekem majik, an olketa hu i durong wetem eniwan, an olketa hu i kilim man dae, an olketa hu i gohed fo wosipim olketa narafala god, an olketa hu i save laea tumas long toktok an long laef blong olketa.