Matiu 13:55 - Pijin Bible

⁵⁵ Yumi save disfala man ya, hemi san blong disfala kapenta nomoa ya. Meri nomoa hemi mami blong hem, an olketa brata blong hem nao Jemes an Josef an Saemon an Jiudas.

Pijin Deuterocanon

⁵⁵ Yumi save disfala man ya, hemi san blong disfala kapenta nomoa ya. Meri nomoa hemi mami blong hem, an olketa brata blong hem nao Jemes an Josef an Saemon an Jiudas.

Matiu 13:55 ပူးပေါင်းရင်းမြစ်များ

Sams 22:6

Bat distaem mi no olsem man nao, mi olsem wanfala wom nomoa, wea mi barava luk nogud tumas long ae blong olketa pipol, an olketa no laekem mi tu.

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Matiu 27:56

Samfala long olketa woman ya nao, Meri blong Magdala, an Meri mami blong Jemes an Josef, an mami blong tufala san blong Sebedi.

Gudnius abaotem Jisas Kraes wea Mak hemi raetem 15:40

An samfala woman tu olketa stanap farawe lelebet an lukluk go nomoa. Samfala long olketa nao, Meri blong Magdala, an Salome, an Meri hu hemi mami blong yangfala Jemes an Joses.

Gudnius abaotem Jisas Kraes wea Mak hemi raetem 15:47

An long taem ya, Meri blong Magdala an Meri mami blong Joses nao tufala lukim ples wea olketa putum bodi blong Jisas long hem.

Gudnius abaotem Jisas Kraes wea Mak hemi raetem 6:3

Yumi save dat man ya hemi disfala kapenta hu hemi bon long Meri nomoa ya. An olketa brata blong hem nao Jemes an Josef an Jiudas an Saemon. An olketa sista blong hem tu olketa stap nomoa long hia.” So olketa barava lukdaonem hem nomoa.

Gudnius abaotem Jisas Kraes wea Luk hemi raetem 1:27

Enjel ya hemi tekem go nius fo wanfala yang gele, wea olketa mektambu long hem fo hemi maritim wanfala man, nem blong hem Josef hu hemi bon kam long laen blong King Deved. Nem blong disfala yang gele ya nao Meri.

Gudnius abaotem Jisas Kraes wea Luk hemi raetem 24:10

An olketa woman wea olketa talem samting ya long olketa aposol ya nao, Meri blong Magdala, Joana, Meri hu hemi mami blong Jemes, an samfala woman moa.

Gudnius abaotem Jisas Kraes wea Luk hemi raetem 3:23

Taem Jisas hemi kasem samting olsem teti yia finis, hemi stat fo duim olketa waka blong hem nao. An long tingting blong olketa pipol, Jisas hemi san blong Josef ya. Nao Josef hemi san blong Hilae.

Gudnius abaotem Jisas Kraes wea Luk hemi raetem 4:22

An evriwan olketa talem hemi gudfala man ya, bikos olketa sapraes tumas long olketa nambawan toktok wea hemi talemaot. An olketa sei olsem moa, “!Bat man ya hemi san blong Josef nomoa ya!”

Gudnius abaotem Jisas Kraes wea Luk hemi raetem 8:20

Nao olketa pipol ya olketa talem long Jisas olsem, “Mami blong yu wetem olketa brata blong yu olketa stanap aotsaet ya, an olketa laekem tumas fo lukim yu.”

Gudnius abaotem Jisas Kraes wea Jon hemi raetem 19:25

Olketa wea i stanap kolsap long kros blong Jisas nao, hemi mami blong hem, an sista blong mami blong hem, an Meri waef blong Klopas, an Meri blong Magdala ya.

Gudnius abaotem Jisas Kraes wea Jon hemi raetem 6:42

Olketa tok olsem, “!Man ya, hemi Jisas disfala san blong Josef nomoa ya! Yumi save nomoa long mami an dadi blong hem. ?So waswe nao hemi talem hemi kamdaon long heven ya?”

Gudnius abaotem Jisas Kraes wea Jon hemi raetem 9:29

Mifala save dat Mosis nao hemi man wea God hemi toktok wetem hem. Bat disfala man, nomata ples hemi stap kam long hem, mifala no save tu.”

Galesia 1:19

Bat mi no lukim olketa narafala aposol. Jemes, brata blong Masta nomoa mi lukim.

Jiud 1:1

Mi Jiud, wea mi wakaman blong Jisas Kraes an mi brata blong Jemes. Mi raet go long yufala evri pipol wea God hemi siusim yufala. God Dadi blong yumi hemi lavem yufala tumas, an Jisas Kraes tu hemi lukaftarem yufala gudfala.