Matiu 13:46 - Pijin Bible

⁴⁶ Taem hemi faendem wanfala pel wea hemi barava gud tumas winim evri narawan, hemi go nomoa an hemi salem evrisamting blong hem nao. An bihaen, hemi baem nao disfala pel ya.

Pijin Deuterocanon

⁴⁶ Taem hemi faendem wanfala pel wea hemi barava gud tumas winim evri narawan, hemi go nomoa an hemi salem evrisamting blong hem nao. An bihaen, hemi baem nao disfala pel ya.

Matiu 13:46 ပူးပေါင်းရင်းမြစ်များ

Provebs 2:4

Traehad fo lukaotem waes, olsem yu traehad fo lukaotem seleni.

Aesaea 33:6

Bae Yawe nao hemi olsem strongfala faondesin, mekem yufala no save foldaon. Wei wea hemi sevem yufala an hemi givim yufala waes an save, hemi olsem bikfala risis wea yufala save tekem, taem yufala barava mekhae long Yawe.

Matiu 13:44

Jisas hemi sei moa, “Kingdom long Heven, hemi olsem wanfala barava gudfala samting tumas wea hemi staphaed nomoa insaet long wanfala pisgraon. Nao wanfala man hemi faendem an hemi haedem moa. Man ya, hemi hapi fogud nao, so hemi go nomoa an salem evrisamting blong hem nao. An bihaen, hemi baem disfala pisgraon ya nao.

Matiu 13:45

“Kingdom long Heven, hemi olsem taem wea wanfala bisnisman hemi go-gohed fo lukaotem olketa gudfala pel fo baem.

Matiu 13:47

“Kingdom long Heven, hemi olsem taem samfala fisingman olketa torowem net godaon long leik, an enikaen fis nomoa olketa pas long net ya.

Aposol 20:24

Bat laef blong mi nao hemi olsem samting nating nomoa long mi ya. Wanem hemi bikfala nao, hemi fo mi mas go-gohed an barava finisim disfala waka wea Jisas Masta blong yumi, hemi givim long mi fo duim. An waka ya nao hemi fo talemaot disfala Gudnius abaotem kaenfala lav blong God.

Galesia 6:14

Bat long mi ya, bae mi save tokpraod nomoa long kros blong Masta blong yumi Jisas Kraes. Bikos from wanem Kraes hemi duim taem hemi dae long kros, wei blong wol ya hemi dae finis long tingting blong mi, an mi seleva ya mi dae finis wetem Kraes, mekem mi no save falom wei blong wol moa.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

Kolosi 2:3

An Kraes nao hemi save somaot klia evri gudfala samting blong waes tingting an save blong God wea hemi staphaed fastaem.

Revelesin 18:12

Olketa deferen kaen kago olsem: gol, an silva, an olketa naesfala ston, an olketa naesfala pel, an olketa spesol kaleko olsem silk, an olketa naesfala kaleko wea olketa waet an blu an red. An olketa garem tu olketa stik wea hemi smelgud tumas, an olketa deferen kaen kaving wea olketa mekem long bikfala tit blong elifan, an long wankaen timba wea hemi dia tumas, an long bras, an long aean, an long naesfala waet ston.

Revelesin 21:21

An tuelfala bikfala geit ya olketa mekem long tuelfala pel. Evri geit olketa mekem long wanfala bikfala pel nomoa. An bikfala rod insaet long biktaon ya olketa wakem long nambawan gol wea hemi klia tumas olsem glas.