Matiu 11:1 - Pijin Bible

¹ Taem Jisas hemi talem olketa samting ya long tuelfala disaepol blong hem finis, hemi go moa long olketa nara taon long provins ya fo talemaot Gudnius an fo tisim olketa pipol.

Pijin Deuterocanon

¹ Taem Jisas hemi talem olketa samting ya long tuelfala disaepol blong hem finis, hemi go moa long olketa nara taon long provins ya fo talemaot Gudnius an fo tisim olketa pipol.

Matiu 11:1 ပူးပေါင်းရင်းမြစ်များ

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Matiu 4:23

Jisas hemi goraon long evri ples insaet long provins long Galili, an hemi gohed fo tis insaet long olketa preahaos blong olketa. An hemi gohed fo talemaot Gudnius abaotem kingdom long Heven. An evri pipol wea olketa garem enikaen siknis an olketa wea bodi blong olketa hemi wik tumas, Jisas hemi mekem olketa gudbaek moa.

Matiu 7:28

Taem Jisas hemi finisim olketa toktok blong hem, olketa pipol ya olketa sapraes fogud long tising blong hem,

Matiu 9:35

Jisas hemi go-goraon long evri taon an long evri vilij. Hemi go insaet long olketa preahaos fo tisim olketa pipol an fo talemaot Gudnius abaotem kingdom long Heven. An olketa pipol hu olketa garem enikaen sik an olketa hu i wik tumas, hemi mekem olketa gudbaek moa.

Gudnius abaotem Jisas Kraes wea Mak hemi raetem 6:12

So olketa disaepol olketa goaot an talemaot toktok blong God nao long olketa pipol an olketa sei, “Yufala evriwan mas lusim ravis wei blong yufala nao.”

Gudnius abaotem Jisas Kraes wea Luk hemi raetem 23:5

Bat olketa gohed moa fo tokstrong olsem, “Tising blong man ya hemi mekem plande trabol kamap long olketa pipol long evriwea long Israel ya. Hemi bin statem diswan long provins long Galili go-go hemi kam kasem long hia nao.”

Gudnius abaotem Jisas Kraes wea Luk hemi raetem 8:1

Nao bihaen olketa samting ya, Jisas hemi go long evri taon an evri vilij long provins ya fo talemaot disfala Gudnius abaotem kingdom blong God. An tuelfala disaepol blong hem

Gudnius abaotem Jisas Kraes wea Jon hemi raetem 15:10

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Aposol 1:2

go-go kasem disfala de wea God hemi tekem hem gobaek moa long heven. Nao bifoa hemi gobaek long heven, hemi tok long paoa blong Holi Spirit an hemi tisim olketa hu hemi bin siusim olketa olsem aposol.

Aposol 10:38

An yufala save hao God hemi siusim hem an hemi mekem hem fo garem Holi Spirit an paoa nao. An bikos God hemi stap olowe wetem hem, Jisas hemi go-goraon evriwea an duim olketa gudfala samting, an hemi mekem gudbaek moa evriwan hu olketa stap andanit long paoa blong Seitan.

Aposol 10:42

An Jisas hemi tokstrong long mifala, wea mifala mas talemaot disfala Gudnius long olketa pipol. An mifala mas talemaot gud wea hem nao God hemi bin siusim hem finis fo bae hemi jajem evri pipol, nomata olketa dae finis o olketa stap laef yet.

1 Tesalonaeka 4:2

Bikos yufala save finis long olketa toktok wea mifala talem long yufala long nem blong Jisas Masta blong yumi.

2 Tesalonaeka 3:10

Taem mifala stap tugeta wetem yufala yet, mifala talem finis long yufala olsem, “Sapos eni man hemi les fo duim waka, yufala mas no givim eni kaikai long hem.”

2 Tesalonaeka 3:6

Olketa Kristin fren, long nem blong Jisas Kraes Masta blong yumi, mifala tokstrong go long yufala ya. Yufala mas no joen wetem olketa Kristin hu i les tumas fo duim waka an olketa no falom olketa toktok wea mifala talem finis long yufala.

1 Timoti 6:14

Olketa samting wea God hemi talem yu fo duim, yu mas obeim long barava stretfala wei go-go kasem taem Masta blong yumi Jisas Kraes bae hemi kambaek.