Gudnius abaotem Jisas Kraes wea Luk hemi raetem 9:38 - Pijin Bible

³⁸ Nao wanfala man long olketa, hemi singaot kam olsem, “Tisa, mi laekem tumas fo yu helpem boe blong mi, bikos hem nomoa wanfala pikinini mi garem ya.

Pijin Deuterocanon

³⁸ Nao wanfala man long olketa, hemi singaot kam olsem, “Tisa, mi laekem tumas fo yu helpem boe blong mi, bikos hem nomoa wanfala pikinini mi garem ya.

Gudnius abaotem Jisas Kraes wea Luk hemi raetem 9:38 ပူးပေါင်းရင်းမြစ်များ

Jenesis 44:20

An mifala tok olsem, ‘Ya, dadi blong mifala hemi stap nomoa, bat hemi olo finis nao. An lasbon brata blong mifala hemi stap nomoa, wea hemi bon taem dadi blong mifala hemi olo finis nao. Mami blong lasbon ya hemi bonem tufala pikinini boe nomoa, bat fasbon hemi lus finis, an lasbon ya nomoa hemi stap. An dadi blong mifala hemi lavem hem tumas.’

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Matiu 15:22

Nao wanfala woman long ples ya hu hemi no Jiu bat hemi blong seksin wea olketa kolem Kenan, hemi kam an singaot long Jisas olsem, “!Masta, San Blong King Deved! !Plis yu sore kam long mi! Gele blong mi, wanfala devol hemi stap long hem ya, an hemi spoelem hem tumas nao.”

Gudnius abaotem Jisas Kraes wea Luk hemi raetem 7:12

Taem olketa kolsap kasem geit blong taon ya, olketa mitim wanfala bikfala seksin wea olketa kamaot long disfala taon an olketa karim kam wanfala man hu hemi dae finis. Man hu hemi dae ya, hemi san blong wanfala wido woman ya an hem nomoa wanfala pikinini blong hem.

Gudnius abaotem Jisas Kraes wea Luk hemi raetem 9:37

Long neks de, taem Jisas wetem trifala disaepol blong hem ya olketa kamdaon long maonten ya nomoa, olketa mitim plande pipol wea olketa hipap fo weitem Jisas.

Gudnius abaotem Jisas Kraes wea Luk hemi raetem 9:39

Yu save, wanfala devol nao hemi save kam strong long hem, wea hemi save mekem hem fo singaot bikfala tumas. An devol ya hemi save mekem boe ya fo seksek fogud, an plande spit nao hemi kamaot long maos blong hem. An devol ya hemi nating save lusim hem ya, wea hemi gohed fo spoelem hem olowe nomoa.

Gudnius abaotem Jisas Kraes wea Jon hemi raetem 4:47

Taem disfala man hemi herem dat Jisas hemi lusim Jiudia an hemi kam moa long Galili, hemi go fo lukim Jisas nao. Hemi askem Jisas fo kam wetem hem long Kapaneam fo mekem gudbaek moa disfala boe blong hem wea hemi kolsap dae.