Gudnius abaotem Jisas Kraes wea Luk hemi raetem 5:6 - Pijin Bible

⁶ Taem olketa torowe godaon olketa net nomoa, plande fis tumas nao olketa pas long hem, go-go olketa net blong olketa kolsap brek nao.

Pijin Deuterocanon

⁶ Taem olketa torowe godaon olketa net nomoa, plande fis tumas nao olketa pas long hem, go-go olketa net blong olketa kolsap brek nao.

Gudnius abaotem Jisas Kraes wea Luk hemi raetem 5:6 ပူးပေါင်းရင်းမြစ်များ

Eklesiastes 11:6

Yu mas plantem kaikai long gaden long moning, an waka long gaden ivining tu. Bikos yu no save wanem waka nao bae kamap gudfala. Maet olketa wea yu plantem long moning nao hemi garem kaikai, o narawan long ivining, o tufala evriwan.

Gudnius abaotem Jisas Kraes wea Luk hemi raetem 5:7

So olketa mekem saen fo olketa fren blong olketa long nara bot ya fo kam an helpem olketa. An nara bot ya hemi kam an olketa fulumapem tufala bot ya long olketa fis, go-go tufala kolsap singdaon nao.

Aposol 2:41

Olketa hu i bilivim toktok blong Pita olketa baptaes nao. An long disfala de ya, samting olsem 3,000 pipol nao olketa joenem seksin blong olketa.

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

Galesia 6:9

So yumi mas no taet fo duim olketa gud samting ya. An sapos yumi no givap long diswan, bae yumi save tekem olketa gudfala samting wea i redi finis long barava taem blong hem.