Gudnius abaotem Jisas Kraes wea Luk hemi raetem 23:35 - Pijin Bible

³⁵ Olketa pipol olketa stanap long ples ya an olketa lukluk go nomoa, bat olketa lida blong olketa Jiu olketa gohed fo mekfan long Jisas, an olketa sei olsem, “!Maewat! Hemi sevem olketa nara pipol finis. So sapos hemi tru wea hem nao disfala Mesaea wea God hemi siusim, letem hem sevem hem seleva.”

Pijin Deuterocanon

³⁵ Olketa pipol olketa stanap long ples ya an olketa lukluk go nomoa, bat olketa lida blong olketa Jiu olketa gohed fo mekfan long Jisas, an olketa sei olsem, “!Maewat! Hemi sevem olketa nara pipol finis. So sapos hemi tru wea hem nao disfala Mesaea wea God hemi siusim, letem hem sevem hem seleva.”

Gudnius abaotem Jisas Kraes wea Luk hemi raetem 23:35 ပူးပေါင်းရင်းမြစ်များ

Sams 22:17

Mi save lukim nomoa olketa bon blong mi, an olketa enemi blong mi i gohed fo lukstrong long mi, an olketa gohed fo la-laf long mi.

Sams 35:15

Bat taem trabol hemi kasem mi, olketa hapi an olketa hipap kam fo mekfan long mi. Olketa wea mi no save long olketa, i gohed olowe nomoa fo mekem mi safa.

Sams 4:2

?Fo hao long nao bae yufala gohed fo tokspoelem mi? ?An fo hao long nao bae yufala gohed fo laekem olketa samting wea i nogud? ?An fo hao long nao bae yufala gohed fo aftarem olketa laea wei?

Sams 69:26

Yu mas duim olsem, bikos olketa bin spoelem olketa wea yu bin panisim olketa, an olketa toknogud moa abaotem olketa pipol wea yu bin mekem olketa fo garekil finis.

Sams 71:11

Olketa tok olsem, “!God hemi lusim hem finis! !Yumi ronem hem an kasholem hem! !Hemi no garem eniwan fo sevem hem!”

Aesaea 42:1

Yawe hemi tok moa olsem, “!Olketa! Hem ya nao wakaman blong mi, wea mi gohed fo mekem hem strong. Mi bin siusim hem, an mi hapi tumas long hem. Mi putum finis Spirit blong mi long hem, an bae hemi jajem evri kantri long stretfala wei.

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Aesaea 53:3

Evriwan i les long hem an tokspoelem hem. Plande taem hemi filnogud tumas, an hemi safa olowe nomoa. Ya, no eniwan nao hemi laek fo luk long hem. Yumi lukim hem olsem hemi samting nating nomoa.

Lamentesin 3:14

Olketa pipol blong mi evriwan i gohed fo mekfan long mi. Olketa mekem singsing fo laflaf nomoa, stat long moning go-go kasem tudak.

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Matiu 12:18

“Disfala man, hem nao mi bin siusim hem fo wakaman blong mi, hem nao mi barava lavem, an hem nao mi hapi tumas wetem. Bae mi sendem Spirit blong mi fo stap wetem hem, an bae hemi somaot stretfala wei long olketa pipol long wol.

Matiu 3:17

An long semtaem tu, toktok hemi kamdaon long heven wea hemi sei, “Hem ya nao barava San blong mi wea mi lavem tumas, an mi hapi tumas long hem.”

Gudnius abaotem Jisas Kraes wea Luk hemi raetem 16:14

Olketa Farasi olketa herem diswan an olketa gohed fo tokspoelem Jisas nao, bikos olketa ya olketa lavem seleni tumas ya.

Gudnius abaotem Jisas Kraes wea Luk hemi raetem 23:13

Nao Paelat hemi kolem kam olketa hedprist an olketa nara lida blong Jiu wetem olketa pipol moa fo kam long wanples,

Gudnius abaotem Jisas Kraes wea Luk hemi raetem 23:39

Nao wanfala long tufala man fo mekem trabol hu hemi hang long kros long saet long Jisas, hemi tokspoelem Jisas olsem tu, “?Waswe, yu nao yu disfala Mesaea o nomoa? Yu sevem yu seleva an yu sevem mitufala tu.”

1 Pita 2:4

Masta blong yumi nao hemi disfala ston wea hemi garem laef, an olketa pipol i les long hem. Bat God nao bin siusim hem, an hemi nambawan tumas long ae blong hem. An taem yufala kam long Masta,