Gudnius abaotem Jisas Kraes wea Luk hemi raetem 22:26 - Pijin Bible

²⁶ Bat yufala mas no duim olsem. Eniwan hu hemi bikman long yufala, hemi mas kamap olsem man hu hemi smolfala long yufala. An man wea hemi lida long yufala hemi mas kamap olsem wanfala wakaman blong yufala nomoa.

Pijin Deuterocanon

²⁶ Bat yufala mas no duim olsem. Eniwan hu hemi bikman long yufala, hemi mas kamap olsem man hu hemi smolfala long yufala. An man wea hemi lida long yufala hemi mas kamap olsem wanfala wakaman blong yufala nomoa.

Gudnius abaotem Jisas Kraes wea Luk hemi raetem 22:26 ပူးပေါင်းရင်းမြစ်များ

Matiu 20:26

Bat yufala mas no duim olsem long midol long yufala ya. Man hu hemi wande fo kamap bikman long yufala, hemi mas waka olsem haosboe blong yufala.

Gudnius abaotem Jisas Kraes wea Mak hemi raetem 10:43

Bat yufala mas no duim olsem long midol long yufala. Man hu hemi wande fo kamap bikman long yufala, hemi mas waka olsem haosboe blong yufala nao.

Gudnius abaotem Jisas Kraes wea Mak hemi raetem 9:35

So Jisas hemi sidaon an hemi kolem tuelfala disaepol blong hem, an hemi tok long olketa olsem, “Sapos wanfala long yufala hemi wande fo kamap bikfala man long yufala, hemi mas mekem hem seleva fo lou an hemi mas waka olsem haosboe blong evriwan.”

Gudnius abaotem Jisas Kraes wea Luk hemi raetem 9:48

Bihaen, hemi tok olsem long olketa disaepol, “Eniwan hu hemi kaen long disfala pikinini ya long nem blong mi, hemi kaen long mi nao ya. An eniwan wea hemi kaen long mi, hemi kaen long man hu hemi sendem mi kam tu ya. So hemi olsem tu, eni man long yufala wea hemi mekem hem seleva fo lou, hem nao hemi nambawan man long yufala evriwan.”

Leta wea Pol hemi raetem go long sios long Rom 12:2

Yufala no letem yufala seleva fo falom wei blong disfala wol, bat yufala mas letem God hemi mekem yufala sens, mekem hemi givim niufala tingting long yufala. Long wei ya nao yufala save luksave long wanem God hemi laekem. From diswan, bae yufala save long olketa gudfala samting wea hemi stret an God hemi hapi long hem.

1 Pita 5:3

Hemi nogud sapos yufala bosim tumas olketa hu i stap long han blong yufala. Bat hemi gud fo yufala somaot gudfala wei long olketa, mekem olketa save falom eksampol blong yufala olsem olketa sipsip save falom man wea hemi lukaftarem olketa.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”