Gudnius abaotem Jisas Kraes wea Luk hemi raetem 20:36 - Pijin Bible

³⁶ An bae olketa no save dae tu, bat bae olketa stap olsem olketa enjel nomoa. God nao hemi bin mekem olketa laefbaek finis, an from diswan nao olketa save stap olsem olketa pikinini blong hem.

Pijin Deuterocanon

³⁶ An bae olketa no save dae tu, bat bae olketa stap olsem olketa enjel nomoa. God nao hemi bin mekem olketa laefbaek finis, an from diswan nao olketa save stap olsem olketa pikinini blong hem.

Gudnius abaotem Jisas Kraes wea Luk hemi raetem 20:36 ပူးပေါင်းရင်းမြစ်များ

Aesaea 25:8

Lod Yawe nao bae hemi finisim dae, an draemap tias blong evriwan. An bae hemi tekemaot sem from olketa pipol long wol. Yawe nao hemi talem diswan, an bae hemi mas hapen.

Hosia 13:14

“Bae mi peim olketa aot from paoa blong Grev. Ya, bae mi tekem olketa aot from paoa blong Dae. !Dae! ?Wea nao paoa blong yu fo kilim pipol dae? !Grev! ?Wea nao paoa blong yu fo spoelem pipol? Ya, bae mi sevem olketa pipol blong mi, an mi no save sensim tingting blong mi.

Sekaraea 3:7

?Yawe hu hemi garem evri paoa, hemi tok olsem, ?Sapos yu falom stretfala wei blong mi an yu obeim olketa lo blong mi, bae mi letem yu fo lukaftarem Tambuhaos blong mi wetem olketa tambu eria raonem hem. An bae mi mekem yu fo garem raet fo kam stanap frant long mi, olsem olketa long hia hu i stanap olowe frant long mi.

Matiu 22:30

Long taem wea evriwan i laefbaek moa, bae olketa man an woman olketa no save marit moa ya. Bat bae olketa stap nomoa olsem olketa enjel long heven.

Gudnius abaotem Jisas Kraes wea Mak hemi raetem 12:25

Long taem wea evriwan olketa laefbaek moa, bae olketa man an woman olketa no save marit moa. Bat bae olketa stap nomoa olsem olketa enjel long heven.

Leta wea Pol hemi raetem go long sios long Rom 8:16

Holi Spirit nao hemi talem spirit blong yumi dat yumi pikinini blong God.

1 Korin 15:26

An Dae ya nao hemi las enemi wea hemi spoelem.

1 Korin 15:42

Nao taem God bae hemi mekem olketa pipol hu i dae finis fo laefbaek moa, bae hemi olsem tu. Bodi wea yumi berem, hemi no save stap longtaem. Bat bodi wea hemi laefbaek moa, hemi stap olowe nao.

1 Korin 15:49

Distaem yumi wankaen wetem disfala man hu hemi kamaot long graon, so long sem wei ya, bae yumi kamap wankaen wetem disfala man hu hemi kamaot long heven.

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

Revelesin 20:6

Olketa pipol wea God hemi mekem olketa fo laefbaek moa from dae long disfala fas taem ya, olketa save hapi bikos bae mektu dae hemi no garem eni paoa fo kasem olketa. Olketa ya nao bae kamap prist blong God an blong Kraes, an bae olketa rul wetem Kraes fo 1,000 yia.

Revelesin 21:4

An bae hemi draem evri tias from ae blong olketa. An no eni pipol save dae moa, an no enitaem nao olketa save sore o krae o filpein moa. Bikos evrisamting blong bifoa, hemi nomoa nao.”

Revelesin 22:9

Bat hemi tok olsem long mi, “!Nomoa, yu no wosipim mi! Mi wanfala wakaman olsem yu nomoa. Mi olsem olketa profet hu i brata blong yu, an mi olsem olketa nara pipol hu i obeim olketa toktok wea hemi stap insaet long disfala skrol ya. !Yu mas wosipim God nomoa!”