Gudnius abaotem Jisas Kraes wea Luk hemi raetem 17:8 - Pijin Bible

⁸ Nomoa ya. Fastaem bae hemi talem hem olsem ya, ‘Yu redim kaikai blong mi fastaem. An yu werem gudfala kaleko blong yu an yu gohed fo tekem kam kaikai an dring fo mi ya. An taem yu duim olketa samting ya finis, oraet, yu seleva save go an kaikai an dring nao.’

Pijin Deuterocanon

⁸ Nomoa ya. Fastaem bae hemi talem hem olsem ya, ‘Yu redim kaikai blong mi fastaem. An yu werem gudfala kaleko blong yu an yu gohed fo tekem kam kaikai an dring fo mi ya. An taem yu duim olketa samting ya finis, oraet, yu seleva save go an kaikai an dring nao.’

Gudnius abaotem Jisas Kraes wea Luk hemi raetem 17:8 ပူးပေါင်းရင်းမြစ်များ

Jenesis 43:16

An taem hemi lukim dat lasbon ya hemi kam wetem olketa, hemi tok olsem long slev ya hu hemi bos long olketa samting insaet long haos blong hem, “Yu tekem go olketa man ya insaet long haos blong mi. Bae olketa mas kaikai wetem mi long midol long de ya. An taem yu go, yu mas kilim wanfala buluka, an mekredi long kaikai fo mifala.”

2 Samuel 12:20

Den king hemi stanap an hemi go suim. Hemi rabem oel long bodi blong hem, an hemi komem hea blong hem, an werem klin kaleko. Den hemi go fo wosipim Yawe long tambu haostent blong hem. Taem hemi kambaek long haos blong hem, hemi askem kaikai, an taem olketa givim go long hem, hemi kaikai.

Gudnius abaotem Jisas Kraes wea Luk hemi raetem 12:37

Olketa wakaman ya olketa hapi tumas taem bikman blong olketa hemi kambaek an lukim dat olketa redi finis weitem hem. Mi talem yufala tru samting nao, bae bikman blong olketa hemi talem olketa fo sidaon fastaem, an bae hemi putum redi kaleko blong hem an gohed fo mekem kaikai fo olketa nao.

Gudnius abaotem Jisas Kraes wea Luk hemi raetem 17:7

An Jisas hemi sei moa, “Sapos wanfala long yufala hemi garem wanfala wakaman hu hemi waka long gaden, o hu hemi lukaftarem olketa sipsip. ?Nao taem hemi kambaek long haos nomoa, waswe, bae bos blong hem hemi talem hem fo sidaon an kaikai long semtaem?

Gudnius abaotem Jisas Kraes wea Luk hemi raetem 17:9

An bae bos ya hemi no sei tengkiu long wakaman blong hem, bikos hemi duim nomoa wanem hemi talem hem fo duim ya.

Gudnius abaotem Jisas Kraes wea Jon hemi raetem 13:4

So Jisas hemi lusim tebol ya, an hemi tekemaot longfala kaleko blong hem an hemi tekem wanfala taol an taemap raonem hem seleva.