Gudnius abaotem Jisas Kraes wea Luk hemi raetem 15:27 - Pijin Bible

²⁷ Nao wakaman ya hemi sei, ‘Oo diswan ya hemi from brata blong yu hu hemi kambaek nao. An dadi blong yu hemi kilim disfala nambawan buluka ya, bikos lasbon ya hemi kambaek an hemi laef gudfala nomoa.’

Pijin Deuterocanon

²⁷ Nao wakaman ya hemi sei, ‘Oo diswan ya hemi from brata blong yu hu hemi kambaek nao. An dadi blong yu hemi kilim disfala nambawan buluka ya, bikos lasbon ya hemi kambaek an hemi laef gudfala nomoa.’

Gudnius abaotem Jisas Kraes wea Luk hemi raetem 15:27 ပူးပေါင်းရင်းမြစ်များ

Matiu 22:4

So hemi sendem go moa samfala nara wakaman fo go talem olsem long olketa wea hemi bin askem olketa fo kam, ‘Kaikai hemi redi finis nao. King hemi kilim finis olketa bikfala buluka wetem olketa yangwan wea olketa fat fogud. So distaem evrisamting hemi redi nao. Yufala kam long fist blong marit ya.’

Gudnius abaotem Jisas Kraes wea Luk hemi raetem 15:26

So hemi kolem kam wanfala wakaman, an hemi askem hem, ‘Wanem nao hemi gohed ya.’

Gudnius abaotem Jisas Kraes wea Luk hemi raetem 15:28

“Taem fasbon ya hemi herem diswan, hemi barava kros tumas nao, an hemi nating laekem fo go insaet long haos ya. So dadi blong hem hemi go long hem an hemi traehad fo talem hem fo kam insaet.

Gudnius abaotem Jisas Kraes wea Luk hemi raetem 15:30

Bat disfala san blong yu ya, hemi bin spoelem evri seleni blong yu long olketa gele hu olketa juri ya, an taem hemi kambaek, yu jes kilim nambawan buluka ya fo hem nao.’

Aposol 22:13

Hemi kam stanap long saet blong mi, an hemi tok olsem, ‘!Sol, fren blong mi, yu lukluk moa!’ An long semtaem ya nomoa, mi save lukim hem nao.

Aposol 9:17

So Ananaeas hemi go nao. Hemi go insaet long disfala haos ya, an hemi putum han blong hem antap long Sol, an hemi sei, “!Sol, fren blong mi! Masta nao hemi sendem mi kam ya, disfala Jisas wea hemi somaot hem seleva long yu, taem yu ka-kam long rod. Hemi sendem mi kam, mekem yu save lukluk moa an mekem yu save fulap long Holi Spirit.”

Filimon 1:16

An long distaem hemi no jes wanfala slev, bat hemi bikfala samting moa winim slev. Hemi wanfala gudfala Kristin fren blong yumi. Mi barava laekem hem tumas, bat ating bae yu nao laekem hem winim mi moa, bikos hemi gudfala slev blong yu an hemi Kristin fren blong yu tu.

1 Samuel 28:24

Nao woman ya hemi hariap fo wakem kaikai. Hemi busarem wanfala smolfala fat buluka wea hemi bin fidim, an hemi kukim. An hemi tekem samfala flaoa fo bekem samfala bred wea hemi no garem yist long hem.