Gudnius abaotem Jisas Kraes wea Luk hemi raetem 12:49 - Pijin Bible

⁴⁹ An Jisas hemi sei moa, “Mi ya, mi kam fo mekem faea long disfala wol. An mi laekem tumas fo disfala faea ya fo laet gudfala, bat hemi no kam yet.

Pijin Deuterocanon

⁴⁹ An Jisas hemi sei moa, “Mi ya, mi kam fo mekem faea long disfala wol. An mi laekem tumas fo disfala faea ya fo laet gudfala, bat hemi no kam yet.

Gudnius abaotem Jisas Kraes wea Luk hemi raetem 12:49 ပူးပေါင်းရင်းမြစ်များ

Aesaea 11:4

bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

Gudnius abaotem Jisas Kraes wea Luk hemi raetem 12:48

Bat wanfala wakaman wea hemi no save wanem bos blong hem hemi laekem hem fo duim, an hemi duim rong samting ya tu, bae olketa no panisim hem tumas ya. Hemi olsem, bikos man wea God hemi givim plande samting long hem, bae God hemi laekem man ya fo hemi mas mekem plande samting ya. An man wea God hemi givim barava plande samting tumas moa long han blong hem, bae God hemi laekem man ya fo mekem plande samting tumas moa tu.”

Gudnius abaotem Jisas Kraes wea Luk hemi raetem 12:50

Bat fastaem, mi mas go insaet long samting olsem baptaes wea bae mi safa an dae long hem. An oltaem nomoa, mi wari fogud go-go kasem taem disfala samting ya hemi gopas.

Gudnius abaotem Jisas Kraes wea Jon hemi raetem 9:4

Taem hemi delaet yet, yumi mas gohed fo duim waka blong God hu hemi sendem mi kam. Bikos naet hemi ka-kam, an long naet ya no eniwan i save duim enisamting.