Gudnius abaotem Jisas Kraes wea Luk hemi raetem 10:37 - Pijin Bible

³⁷ Nao disfala tisa blong Lo hemi sei, “Disfala man wea hemi sore an kaen long hem ya.” An Jisas hemi sei, “So yu go an yu duim semsamting tu olsem man ya hemi duim.”

Pijin Deuterocanon

³⁷ Nao disfala tisa blong Lo hemi sei, “Disfala man wea hemi sore an kaen long hem ya.” An Jisas hemi sei, “So yu go an yu duim semsamting tu olsem man ya hemi duim.”

Gudnius abaotem Jisas Kraes wea Luk hemi raetem 10:37 ပူးပေါင်းရင်းမြစ်များ

Provebs 14:21

Man les long wantok, hemi sin. Man kaen long pua pipol, hemi hapi.

Hosia 6:6

Mi laekem tumas fo yufala tinghevi long mi winim olketa sakrifaes long animol wea yufala mekem. Ya, mi laekem tumas fo yufala mas save long mi winim olketa ofaring wea yufala bonem kam fo mi.

Maeka 6:8

Yawe hemi talemaot finis long yumi olketa gudfala samting wea hemi laekem tumas fo yumi duim. Yumi mas falom stretfala wei, an barava lavem pipol an tinghevi long olketa, an hambol an frengud wetem hem hu hemi God blong yumi.

Matiu 20:28

Hemi barava olsem wea mi San Blong Man, mi no kam fo mekem olketa pipol i waka fo mi. Mi kam nomoa fo waka fo olketa, an fo letem mi fo dae fo peimaot plande pipol from sin blong olketa.”

Matiu 23:23

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save givim go long God wan-tent long olketa smolfala kaen samting fo suitim kaikai wea yufala save tekem long gaden. Bat yufala nating wari nomoa fo obeim olketa bikfala tising blong Lo, olsem fo mekem evrisamting stret fo olketa pipol, an fo sore an kaen long olketa, an fo kipim promis olowe. Olketa smolfala samting ya yufala mas duim, bat yufala mas no fogetem tu olketa bikfala samting ya moa.

Gudnius abaotem Jisas Kraes wea Luk hemi raetem 10:36

An Jisas hemi sei moa, “?Waswe, hu long trifala man ya nao yu tingse hemi tru wantok blong disfala man wea olketa man fo stil olketa bin kilim hem?”

Gudnius abaotem Jisas Kraes wea Luk hemi raetem 10:38

Taem Jisas an olketa disaepol blong hem olketa gohed long gogo blong olketa nomoa, olketa kam kasem wanfala vilij wea wanfala woman, nem blong hem Mata, hemi stap. So woman ya hemi askem Jisas nao fo kam long haos blong hem.

2 Korin 8:9

Yufala save finis long kaenfala lav blong Masta blong yumi Jisas Kraes. Nomata hemi ris tumas, hemi mekem hem seleva fo kamap pua fo helpem yufala. Hemi stap olsem pua man long wol, mekem yufala kamap ris.

Efesas 5:2

Lav nao hemi mas bikfala long laef blong yufala, olsem Kraes hemi lavem yumi an hemi bin letem hem seleva fo dae fo helpem yumi. Hemi olsem wanfala sakrifaes wea hemi smel naes tumas wea God hemi save hapi tumas long hem.

1 Pita 2:21

God hemi kolem yufala finis fo duim diswan, bikos Kraes hemi safa finis fo sevem yufala. Hemi som disfala wei blong hem, mekem yufala falom.

Revelesin 1:5

An lav an piis hemi kam tu from Jisas Kraes wea hemi man fo talemaot stret olketa toktok blong God, an hemi fas man fo laefbaek moa from dae, an wea hemi garem paoa ovarem evri king long wol. Jisas Kraes hemi lavem yumi tumas, an taem hemi dae olsem wanfala sakrifaes hemi peimaot yumi evriwan from olketa sin blong yumi.