Levitikas 6:27 - Pijin Bible

²⁷ Enisamting wea hemi tasim datfala mit, bae tambu hemi kam long hem. An sapos blad blong disfala sakrifaes hemi kasem kaleko blong eniwan, hemi mas wasim kaleko ya long datfala tambu ples nomoa.

Pijin Deuterocanon

²⁷ Enisamting wea hemi tasim datfala mit, bae tambu hemi kam long hem. An sapos blad blong disfala sakrifaes hemi kasem kaleko blong eniwan, hemi mas wasim kaleko ya long datfala tambu ples nomoa.

Levitikas 6:27 ပူးပေါင်းရင်းမြစ်များ

Eksodas 29:37

Evri de go-go kasem mekseven de, yu mas duim diswan fo mektambu long hem. Long disfala wei nao, bae olta ya hemi kamap barava tambu fogud, mekem eni man o enisamting wea hemi tasim, bae hemi kamap tambu tu.”

Eksodas 30:29

Long wei ya nao, bae yu mektambu long olketa samting ya, mekem hemi kamap barava tambu fogud. Dastawe sapos eni man o enisamting hemi tasim olketa samting ya, bae olketa ya i mektambu long hem tu.

Esikiel 44:19

An taem olketa goaot long bikfala open eria ya aotsaet wea olketa pipol i stap long hem, olketa mas tekemaot olketa spesol kaleko ya wea olketa werem insaet long Tambuhaos blong mi an lusim insaet olketa tambu rum ya. Nao olketa mas werem olketa kaleko blong olketa moa fo go aotsaet, bikos olketa pipol i no save tasim enisamting wea hemi tambu olsem.

Levitikas 11:32

An sapos eniwan long olketa animol ya hemi dae an hemi foldaon long wanfala samting, nomata olketa wakem samting ya long pis timba, o long kaleko, o long skin blong animol, o long baeg, oraet, samting ya hemi no klin long ae blong mi. Nomata yufala yusim samting ya long watkaen waka, yufala mas putum insaet long wata, an bae hemi no klin go-go kasem ivining, bat bihaen bae hemi klin moa.

Levitikas 6:18

Eni man long laen blong Eron hemi save kaikaim disfala haf blong tambu ofaring bikos hem nao haf blong olketa olowe. Disfala kaikai ya hemi tambu tumas, so eniwan hu hemi tasim hem bae tambu hemi kam long hem.”

Levitikas 7:19

Nao sapos mit blong disfala sakrifaes hemi tasim enisamting wea hemi no klin long ae blong mi, oraet, olketa mas barava bonem long faea. Bat eni narafala mit blong disfala sakrifaes, olketa hu i klin long ae blong mi i save kaikaim.

Hagae 2:12

Yu askem olketa ya olsem: ?Sapos samwan hemi karim mit wea olketa bin mektambu long hem, nao hemi karim long kaleko blong hem, an datfala kaleko ya hemi jes tasim wanfala bred, o supsup, o waen, o oel, o eni narafala kaikai moa, waswe, bae samting ya hemi kamap tambu?’ ” Den olketa prist i ansa olsem, ?Nomoa?.

Matiu 14:36

An olketa askem hem fo letem olketa sik pipol ya fo tasim nomata en blong longfala kaleko blong hem, mekem olketa gudbaek moa. An evriwan hu olketa tasim kaleko blong hem, olketa gudbaek nao.

Matiu 9:21

Woman ya hemi tingse sapos hemi tasim nomoa kaleko blong Jisas, bae hemi save gudbaek moa.

2 Korin 7:1

Olketa gudfala fren, hem nao olketa promis wea God hemi givim fo yumi. Dastawe yumi mas mekem yumi seleva fo klin long evrisamting wea hemi save mekem bodi o tingting blong yumi fo no klin. An bikos yumi tinghae tumas long God, yumi mas falom wei wea hemi barava holi.

2 Korin 7:11

Yufala lukim nao wanem hemi hapen from yufala filnogud long wei wea God hemi laekem. Yufala tinghevi long stretfala wei long disfala trabol, an yufala traehad fo somaot dat yufala no rong. Yufala somaot kros long man hu hemi mekem trabol, an yufala fraetem God tu. Yufala laekem tumas fo lukim mi moa. Yufala tingting strong long God, an wiling fo panisim eniwan hu hemi rong. Long evrisamting yufala duim, yufala somaot finis dat yufala no rong long disfala trabol.