Levitikas 6:14 - Pijin Bible

^14-15 Yawe hemi gohed fo tok olsem long Mosis, “Hem ya nao lo blong ofaring long flaoa blong nambawan wit. Prist long laen blong Eron mas tekemaot samfala nambawan flaoa long han blong hem an miksim wetem oliv oel an insens, an hemi mas karim kam long frant long olta fo givim long mi. Den hemi mas bonem long olta fo somaot dat man ya hemi givim long mi, an hemi tambu samting wea smel blong hem hemi mekem mi Yawe hapi.

Pijin Deuterocanon

^14-15 Yawe hemi gohed fo tok olsem long Mosis, “Hem ya nao lo blong ofaring long flaoa blong nambawan wit. Prist long laen blong Eron mas tekemaot samfala nambawan flaoa long han blong hem an miksim wetem oliv oel an insens, an hemi mas karim kam long frant long olta fo givim long mi. Den hemi mas bonem long olta fo somaot dat man ya hemi givim long mi, an hemi tambu samting wea smel blong hem hemi mekem mi Yawe hapi.

Levitikas 6:14 ပူးပေါင်းရင်းမြစ်များ

1 Kronikols 9:31

Nao wanfala Livaet wea nem blong hem Matitaea, hemi bekem olketa tambu bred wea olketa ofarem go long Yawe. Matitaea hemi fasbon san blong Salum hu hemi long laen blong Kora.

Levitikas 1:17

An hemi mas holem tufala wing blong hem, an pulum fo brekem lelebet bodi blong hem, an hemi mas bonem antap long faea long olta. Hemi mas bonem kurukuru ya finis mekem hemi wanfala tambu samting wea smel blong hem hemi mekem mi Yawe hapi.”

Levitikas 10:12

Nao bihaen, Mosis hemi tok long Eron wetem Eleasa an Itama, tufala san blong hem hu i laef yet, hemi sei olsem, “Taem olketa pipol i mekem ofaring long flaoa blong nambawan wit, yufala save yusim disfala tambu flaoa wea hemi no bone fo wakem bred wea hemi no garem yist. An oltaem, yufala mas kaikaim bred ya long saet blong olta nomoa, bikos hemi tambu tumas.

Levitikas 6:13

Faea long olta ya, olketa mas no letem hem dae, hemi mas laet olowe nomoa.”

Nambas 15:4

An taem eniwan hemi tekem wanfala smolfala sipsip fo mekem sakrifaes ya, hemi mas tekem wanfala kilo flaoa blong nambawan wit an miksim wetem wanfala lita oliv oel, bikos hem nao ofaring long kaikai blong gaden, an hemi mas ofarem kam wanfala lita waen tu fo kapsaetem long olta.

Nambas 15:6

“An taem eniwan hemi tekem kam wanfala man sipsip fo mekem sakrifaes, bae hemi mas tekem tufala kilo flaoa blong nambawan wit wea hemi miksim wetem wan an haf lita oliv oel, bikos hem nao ofaring long kaikai blong gaden,

Nambas 15:9

oraet, hemi mas tekem trifala kilo flaoa blong nambawan wit wea hemi miksim wetem tufala lita oliv oel bikos hem nao ofaring long kaikai blong gaden, an hemi mas ofarem kam tufala lita waen tu fo kapsaetem long olta. Hem nao tambu ofaring wea gudfala smel blong hem hemi mekem mi Yawe mi hapi tumas.

Gudnius abaotem Jisas Kraes wea Jon hemi raetem 6:32

Nao Jisas hemi sei long olketa, “Mi talem yufala tru samting nao, disfala kaikai wea Dadi blong mi hemi givim long yufala, hem nao barava kaikai wea hemi kamdaon long heven, an hemi no diswan wea Mosis hemi bin givim ya.