Levitikas 5:2 - Pijin Bible

² “Sapos wanfala man hemi tasim bodi blong enikaen animol wea hemi no klin long ae blong mi an hemi dae finis, bat hemi no save, oraet, diswan hemi mekem hem no klin long ae blong mi an fitim fo hemi panis fo hem.

Pijin Deuterocanon

² “Sapos wanfala man hemi tasim bodi blong enikaen animol wea hemi no klin long ae blong mi an hemi dae finis, bat hemi no save, oraet, diswan hemi mekem hem no klin long ae blong mi an fitim fo hemi panis fo hem.

Levitikas 5:2 ပူးပေါင်းရင်းမြစ်များ

Sams 19:12

Lod Yawe, no eniwan save lukim olketa sin blong hem seleva. Plis yu mekem mi fri from olketa sin wea mi duim bat mi no luksave.

Aesaea 52:11

!Kamaot! !Kamaot from datfala ravis ples! !Yufala mas no tasim enisamting wea hemi no klin long ae blong God! Yufala hu i karim kam olketa holi samting long Tambuhaos blong Yawe, yufala mas kamaot from datfala ples an yufala mas kamap klin moa long ae blong God.

Levitikas 11:11

Yufala mas save dat olketa kaen samting ya i barava nogud. Olketa kaen samting ya i no klin long ae blong mi, an sapos olketa dae, yufala mas no tasim olketa.

Levitikas 11:8

Olketa animol ya i tambu, an yufala mas no kaikaim mit blong olketa, an sapos olketa dae, yufala mas no tasim olketa tu. Yufala mas save dat olketa kaen animol ya i no klin long ae blong mi.

Levitikas 4:13

“Sapos olketa lida tugeta i brekem lo blong mi wea olketa no tingim fo duim, bat olketa pipol no save long hem, disfala samting hemi mekem yufala evriwan i rong long ae blong mi.

Levitikas 5:17

“Sapos eniwan hemi duim eni rong samting wea hemi brekem lo blong mi Yawe bat hemi no save fastaem, oraet, hemi fitim fo hemi mas panis fo hem.

Levitikas 5:3

“Sapos wanfala man hemi tasim enikaen samting wea hemi kamaot from man o woman wea hemi no klin long ae blong mi, bat hemi no save, oraet, taem hemi jes save, hemi fitim fo hemi panis fo hem.

Levitikas 5:4

“Sapos wanfala man hemi mekem wanfala strongfala promis long nem blong mi, bat hemi nating tingting gudfala fastaem long wei wea hemi mekem, nomata hemi gudfala o hemi nogud, oraet, taem hemi luksave long samting wea hemi duim, hemi fitim fo hemi panis fo hem.

Levitikas 7:21

Taem eniwan hemi tasim enisamting wea hemi no klin long ae blong mi, nomata hemi tasim animol o samting wea hemi kamaot long bodi blong man o woman, an bihaen hemi kaikaim mit blong disfala sakrifaes, oraet, yufala mas putum hem aot from pipol blong Israel.”

Hagae 2:13

Nao Hagae hemi ask moa olsem, ??Sapos wanfala man hemi tasim ded bodi, an hemi jes tasim eni kaikai olsem, waswe, bae kaikai ya hemi kamap no klin long ae blong God?? Olketa prist i ansa olsem, ?Ya, hemi no klin nao.?

Nambas 19:22

Nao sapos eniwan hu hemi no klin hemi tasim enisamting, datfala samting tu bae hemi no klin long ae blong mi. An sapos narafala man hemi tasim datfala samting, bae hem tu hemi no klin go-go kasem taem san hemi godaon.”

Gudnius abaotem Jisas Kraes wea Luk hemi raetem 11:44

!Yufala lukaot! Bikos yufala olsem olketa grev wea olketa no bin makem gudfala, so olketa pipol i no lukim an olketa step antap long olketa, an hemi mekem olketa fo no klin.”

2 Korin 6:17

Dastawe Masta hemi sei olsem, “Yufala mas lusim olketa nara pipol, an yufala mas no stap kolsap long olketa. Yufala mas no tasim enisamting wea hemi no klin. Sapos yufala falom diswan, bae mi hapi long yufala.

Diutronomi 14:8

An yufala mas no kaikaim pikpik, yufala mas save olsem hemi no klin long ae blong Yawe. Nomata fut blong pikpik hemi divaed long tufala haf, hemi no kaikaim gras olsem buluka. Yufala mas no kaikaim mit blong olketa kaen animol, an sapos olketa dae, yufala mas no tasim olketa tu.