Levitikas 4:11 - Pijin Bible

^11-12 Bat olketa narafala haf blong buluka ya, hemi mas mekem olketa karim go fo bonem aotsaet from ples wea yufala stap, long disfala klin ples wea olketa save kapsaetem asis blong olta. Hemi mas mekem faea long faeawud long ples ya, an hemi mas mekem olketa bonem evri narafala haf blong buluka olsem skin, an olketa mit, an hed, an olketa lek, an bele blong hem wetem evrisamting wea i insaet long hem.”

Pijin Deuterocanon

^11-12 Bat olketa narafala haf blong buluka ya, hemi mas mekem olketa karim go fo bonem aotsaet from ples wea yufala stap, long disfala klin ples wea olketa save kapsaetem asis blong olta. Hemi mas mekem faea long faeawud long ples ya, an hemi mas mekem olketa bonem evri narafala haf blong buluka olsem skin, an olketa mit, an hed, an olketa lek, an bele blong hem wetem evrisamting wea i insaet long hem.”

Levitikas 4:11 ပူးပေါင်းရင်းမြစ်များ

Sams 103:12

Hemi gohed fo tekem go farawe olketa sin blong yumi, olsem ples wea san hemi kamap hemi farawe from ples wea san hemi godaon.

Eksodas 29:14

Disfala sakrifaes hemi fo mekem olketa prist stret moa long ae blong mi. Bat olketa mit wetem skin blong hem, an evri ravis insaet long bele blong hem, yu mas tekem go an barava bonem long aotsaet from ples blong yufala.

Levitikas 16:27

Nao olketa mas tekem go olketa pat blong disfala buluka an nanigot wea hae prist hemi sakrifaesim tufala fo mekem yufala stret moa long ae blong mi, an wea hae prist hemi bin tekem kam blad blong tufala insaet long Barava Tambu Rum. Olketa mas tekem go bodi blong tufala animol ya wetem skin an insaet long bele blong tufala, an karimaot from ples wea yufala stap long hem, an bonem olketa samting ya finis long wanfala ples aotsaet.

Levitikas 4:21

Bihaen, hemi mas mekem olketa karim go buluka ya fo bonem aotsaet from ples wea yufala stap, olsem hemi duim long haf blong narafala buluka wea hemi fo tekemaot sin blong hem seleva. So disfala buluka hemi sakrifaes fo mekem yufala evriwan stret moa long ae blong mi.”

Levitikas 6:30

Bat sapos hae prist hemi mekem sakrifaes fo mekem man stret moa long ae blong mi, an hemi tekem kam blad blong hem insaet long Tambu Haostent, hemi tambu fo eniwan fo kaikaim mit blong disfala sakrifaes. Olketa mas barava bonem olketa mit blong hem.”

Nambas 19:3

Yufala mas givim disfala buluka long prist ya Eleasa. An hemi mas tekem go aotsaet from ples wea yufala stap long hem, an hemi mas kilim dae disfala buluka.

Nambas 19:5

Prist Eleasa hem mas lukim dat disfala buluka i bone long faea. Yufala mas bonem evri pat blong disfala buluka, olsem skin, an mit, an blad, an bele blong hem.