Levitikas 27:17 - Pijin Bible

¹⁷ Sapos eniwan hemi promis fo givim kam pisgraon long mi long Mekfifti Yia, oraet, praes fo peimaot datfala pisgraon hemi mas kasem ful praes.

Pijin Deuterocanon

¹⁷ Sapos eniwan hemi promis fo givim kam pisgraon long mi long Mekfifti Yia, oraet, praes fo peimaot datfala pisgraon hemi mas kasem ful praes.

Levitikas 27:17 ပူးပေါင်းရင်းမြစ်များ

Levitikas 25:10

An long disfala wei, yufala mas mektambu long mekfifti yia mekem hemi wanfala spesol yia blong mi. Hemi yia fo talemaot long evriwan long lan blong yufala wea olketa man an olketa samting save kamap fri. Long disfala Yia, olketa lan wea pipol i salem go long nara man mas kambaek long famili hu i onam fastaem. An long disfala Yia, olketa hu i bin kamap slev mas go fri mekem olketa gobaek long famili blong olketa.

Levitikas 25:11

Long disfala Yia, yufala mas no plantem olketa kaikai. An long disfala Yia olketa kaikai wea i grou seleva long olketa olfala gaden blong yufala, yufala mas no tekemaot fo kipim seleva o fo salem. An yufala mas no go karimaot olketa frut blong grep long olketa plantesin blong yufala fo kipim seleva o fo salem.

Levitikas 25:13

“Sapos eniwan hemi bin salem lan blong hem go long narafala man, oraet, datfala lan hemi mas kambaek long ona blong hem long disfala Mekfifti Yia.

Levitikas 25:9

Oraet, long datfala mekfoti-naen yia, long mekseven mans, long mekten de blong hem, hemi Bikde fo Tekemaot Sin, so yufala mas sendem olketa pipol fo go bloum trampet olobaot long kantri blong yufala.

Levitikas 27:14

“Sapos eniwan hemi promis fo givim kam haos blong hem long mi, den bihaen, hemi laek fo peimaot, oraet, prist hemi mas makem praes blong datfala haos. Bae hemi mas givim praes blong haos ya falom lukluk blong hem olsem hemi gud o hemi nogud, an hem nao praes blong hem.

Levitikas 27:16

“Sapos eniwan hemi promis fo givim mi wanfala pisgraon blong laen blong hem, den bihaen, hemi laek fo peimaot, oraet, prist mas wakemaot praes blong hem falom haomas sid blong bali wea olketa save plantem long hem. So praes blong hem hemi mas 50 silva seleni fo evri 200 kilo sid wea olketa save plantem long datfala pisgraon.

Levitikas 27:18

Bat sapos hemi mekem promis bihaen long disfala Mekfifti Yia, oraet, prist nao hemi mas daonem praes fo peimaot falom haomas yia hemi stap yet fo kasem neks Mekfifti Yia.