Levitikas 27:15 - Pijin Bible

¹⁵ An sapos datfala man hemi laek fo peimaot haos ya, hemi mas peim long ful praes blong hem wetem tuenti pasent moa.

Pijin Deuterocanon

¹⁵ An sapos datfala man hemi laek fo peimaot haos ya, hemi mas peim long ful praes blong hem wetem tuenti pasent moa.

Levitikas 27:15 ပူးပေါင်းရင်းမြစ်များ

Levitikas 27:13

An sapos datfala man hemi laek fo peimaot animol ya, hemi mas peim long ful praes blong hem wetem tuenti pasent moa.

Levitikas 27:14

“Sapos eniwan hemi promis fo givim kam haos blong hem long mi, den bihaen, hemi laek fo peimaot, oraet, prist hemi mas makem praes blong datfala haos. Bae hemi mas givim praes blong haos ya falom lukluk blong hem olsem hemi gud o hemi nogud, an hem nao praes blong hem.

Levitikas 27:16

“Sapos eniwan hemi promis fo givim mi wanfala pisgraon blong laen blong hem, den bihaen, hemi laek fo peimaot, oraet, prist mas wakemaot praes blong hem falom haomas sid blong bali wea olketa save plantem long hem. So praes blong hem hemi mas 50 silva seleni fo evri 200 kilo sid wea olketa save plantem long datfala pisgraon.

Levitikas 27:27

Bat evri fasbon blong animol wea hemi no klin long ae blong mi an hemi no fit fo sakrifaesim, pipol save peimaot long ful praes blong hem wetem tuenti pasent moa. Bat sapos hemi no laek fo peimaot from mi, olketa prist nao save salemaot long narafala man long ful praes blong hem.

Levitikas 5:16

An man ya hemi mas peim kompensesin fo disfala lo wea hemi brekem long tambu samting blong mi. Hemi mas peimbaek ful praes blong samting ya an adem go moa tuenti pasent blong praes. Kompensesin ya, hemi mas givim go long prist, an prist hemi mas yusim disfala man sipsip long sakrifaes fo mekem kompensesin fo tekemaot sin blong man ya, an bae mi fogivim hem.