Levitikas 25:50 - Pijin Bible

⁵⁰ An fo wakemaot praes fo peimaot, hemi mas toktok wetem risman ya, an tufala mas kaontem olketa yia blong kontrak blong hem, stat long yia wea hemi salemaot hem seleva go long datfala risman go kasem disfala Mekfifti Yia. An tufala mas wakemaot praes wea hemi fitim wejis blong wakaman long olketa yia wea tufala kaontem.

Pijin Deuterocanon

⁵⁰ An fo wakemaot praes fo peimaot, hemi mas toktok wetem risman ya, an tufala mas kaontem olketa yia blong kontrak blong hem, stat long yia wea hemi salemaot hem seleva go long datfala risman go kasem disfala Mekfifti Yia. An tufala mas wakemaot praes wea hemi fitim wejis blong wakaman long olketa yia wea tufala kaontem.

Levitikas 25:50 ပူးပေါင်းရင်းမြစ်များ

Stori abaotem Job 14:6

So plis yu no luk kam long hem, an letem hem fo stap go kasem taem wea hemi finisim hadwaka blong hem.

Aesaea 16:14

Bat distaem Yawe hemi tok olsem, “Moab hemi wanfala ris kantri wea hemi garem plande pipol an plande samting. Bat bifoa barava trifala yia hemi finis, bae olketa narafala pipol i talem dat olketa pipol blong Moab wetem evri risis blong olketa, hemi samting nating nomoa. An bae tu-trifala nomoa i stap, bat bae olketa wik fogud.”

Aesaea 21:16

Hem nao Lod God hemi tok olsem long mi, “Distaem olketa pipol blong Kedaa i garem biknem, bat bifoa barava wanfala yia hemi finis, datfala biknem bae hemi lus finis.

Levitikas 25:28

Bat sapos man hemi no fitim fo peimaot lan wea hemi bin salemaot, oraet, lan hemi save stap long niufala ona go kasem disfala Mekfifti Yia. Nao long disfala Mekfifti Yia, bae lan ya hemi mas kambaek fri moa long man hu hemi onam fastaem mekem hem save yusim moa ya.

Levitikas 25:40

Yufala mas mekem hem olsem wakaman blong yufala o olsem wanfala strensa. Hemi mas waka wetem yufala go kasem disfala Mekfifti Yia.

Levitikas 25:49

O hemi save askem angkol blong hem, o eni kasin brata, o eni nara wantok long laen blong hem fo kam peim hem aot moa. O sapos hem seleva hemi save faendem seleni, hemi save peimaot hem seleva fo go fri.

Levitikas 25:51

Sapos plande yia hemi stap bifoa disfala Mekfifti Yia, oraet, praes fo peimaot hemi hae fitim olketa yia,

Levitikas 25:53

Nao man hu hemi salem hem seleva long datfala risman hemi kamap olsem wakaman hu hemi waka long seleni. An yufala mas lukaot long risman ya nogud hemi mekful long wantok blong yufala.

Diutronomi 15:18

Bat sapos yu letem wanfala slev blong yu hemi gofri, yu mas no filnogud. Yu mas letem hemi gofri bikos long siksfala yia hemi duim waka blong yu, an kost blong waka ya hemi haf long wanem hemi fit fo peim man fo duim. Sapos yufala duim olketa samting ya, Yawe bae hemi blesim olketa waka blong yufala.”