Levitikas 25:35 - Pijin Bible

³⁵ “Sapos eni wantok hemi kamap pua tumas an hemi nating garem enisamting fo lukaftarem hem seleva, oraet, yufala mas lukaftarem an helpem hem long sem wei wea yufala save lukaftarem an helpem olketa strensa wea i stap wetem yufala.

Pijin Deuterocanon

³⁵ “Sapos eni wantok hemi kamap pua tumas an hemi nating garem enisamting fo lukaftarem hem seleva, oraet, yufala mas lukaftarem an helpem hem long sem wei wea yufala save lukaftarem an helpem olketa strensa wea i stap wetem yufala.

Levitikas 25:35 ပူးပေါင်းရင်းမြစ်များ

Nehemaea 5:1

Long datfala taem, plande man an woman i gohed fo komplen agensim olketa narafala Jiu.

Nehemaea 5:3

An samfala gohed fo tok olsem, “Long disfala hadtaem blong hanggre, mifala putum olketa gaden, an olketa plantesin long grep, an olketa haos blong mifala tu long han blong olketa risman, mekem mifala save kaon long olketa fo peim kaikai blong mifala, mekem mifala no dae long hanggre.”

Stori abaotem Job 31:16

Oltaem nomoa mi helpem olketa puaman, an mi strongim tingting blong olketa wido.

Sams 112:5

Eniwan hu hemi wakem bisnis long stretfala wei, an hemi save givim kaon long olketa narafala pipol, hem ya nao hemi hapi.

Sams 112:9

Hemi gohed fo helpem olketa pua pipol, an olketa gudfala wei blong hem bae hemi stap olowe. God hemi talem dat man ya hemi stret olowe, an bae olketa pipol i tinghae long hem.

Sams 37:26

Man ya hemi hapi nomoa fo givim go enisamting long olketa narafala pipol, an hemi save letem eniwan fo yusim enisamting blong hem. An olketa pikinini blong hem nao, i olsem blesing fo hem.

Sams 41:1

Olketa pipol wea i gohed fo tingim olketa pua pipol, olketa ya nao i hapi, bikos Yawe bae hemi helpem olketa taem trabol hemi kasem olketa.

Eksodas 22:21

“Sapos wanfala strensa hemi stap wetem yufala, oraet, yufala mas no mekful long hem, o putum tumas hevi long hem. Yufala mas tingim taem wea yufala bin strensa tu long Ijip.

Eksodas 22:24

An bae mi kros long yufala, an mekem yufala dae long faet, an bae olketa waef blong yufala i kamap wido, an olketa pikinini blong yufala bae i no garem dadi moa.

Eksodas 22:25

“Sapos yufala mekem kaon fo eniwan long pipol blong mi hu i pua, oraet, yufala mas no mekem hem peim intres long hem olsem olketa duim long bangk.

Eksodas 23:9

“Yufala mas no mekful long olketa strensa, bikos long bifoa, yufala tu i strensa long taem wea yufala stap long Ijip, an yufala save finis wei wea yufala bin filnogud long datfala taem.”

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 17:5

Man hemi mekful long puaman, hemi tingdaonem God hu hemi mekem man. Man hemi hapi long trabol blong nara man, bae hemi panis.

Provebs 19:17

Taem yu kaen long puaman, Yawe hemi garem kaon long yu. Hem nao bae sensimbaek gudfala long yu.

Levitikas 19:34

Yufala mas tingim taem wea yufala stap long Ijip olsem strensa long dea. Dastawe, yufala mas lavem olketa deferen pipol olsem wea yufala lavem yufala seleva, an yufala mas lukaftarem olketa, olsem wea yufala lukaftarem olketa long laen blong yufala seleva, bikos mi nao Yawe, God blong yufala.

Levitikas 25:25

Sapos eniwan long yufala hemi kamap barava pua tumas, an hemi salemaot lan blong hem, oraet, wantok long famili blong hem nao mas peim fo tekembaek datfala lan moa.

Matiu 25:35

Taem mi hanggre, yufala nao givim kam kaikai long mi, an taem mi wande fo dring, yufala nao givim wata long mi. Taem mi no garem eni ples fo stap long hem, yufala nao tekem mi go long haos blong yufala,

Gudnius abaotem Jisas Kraes wea Mak hemi raetem 14:7

Olketa pua pipol ya, olketa stap olowe nomoa wetem yufala ya, so yufala save helpem olketa long enitaem yufala laekem nomoa. Bat mi ya, bae mi no stap olowe wetem yufala.

Gudnius abaotem Jisas Kraes wea Luk hemi raetem 6:35

Bat yufala mas lavem olketa enemi blong yufala, an yufala mas duim gudfala samting long olketa tu. An yufala mas givim enisamting blong yufala fo olketa nara pipol, wea yufala no tingim moa wea bae olketa mas givimbaek long yufala. Sapos yufala duim olsem, bae God hemi barava blesim yufala ya, an bae yufala nao kamap barava pikinini blong God Antap. Bikos God hemi kaen olowe long olketa pipol, nomata olketa no save kaen long hem an nomata wei blong olketa hemi barava ravis tumas.

Gudnius abaotem Jisas Kraes wea Jon hemi raetem 12:8

Olketa pua pipol ya, bae olketa stap olowe wetem yufala ya, bat mi nao bae mi no stap olowe wetem yufala.”

Aposol 11:29

So olketa disaepol i agri nao fo helpem olketa Kristin fren hu i stap long Jiudia, falom haomas seleni eniwan hemi garem fo sendem go.

Leta wea Pol hemi raetem go long sios long Rom 12:13

Yufala mas searemaot wanem yufala garem wetem olketa pipol blong God, taem olketa sot long enisamting. An yufala mas lukaftarem gud olketa pipol hu i kam kasem ples blong yufala.

Leta wea Pol hemi raetem go long sios long Rom 12:18

An yufala mas traehad oltaem fo stapgud long piis wetem evri pipol.

Leta wea Pol hemi raetem go long sios long Rom 12:20

An Buktambu hemi sei olsem tu, “Sapos enemi blong yu hemi hanggre, yu mas givim kaikai long hem. An sapos hemi dae long wata, yu mas givim wata fo hemi dringim. Sapos yu duim diswan, bae yu mekem hem filsem tumas.”

2 Korin 8:9

Yufala save finis long kaenfala lav blong Masta blong yumi Jisas Kraes. Nomata hemi ris tumas, hemi mekem hem seleva fo kamap pua fo helpem yufala. Hemi stap olsem pua man long wol, mekem yufala kamap ris.

2 Korin 9:1

Mi no barava nid fo raet go long yufala abaotem disfala koleksin wea bae yumi sendem go long olketa pipol blong God long Jiudia.

Galesia 2:10

Olketa askem nomoa fo mitufala mas tingim olketa pua pipol long Jerusalem, an diswan nao mi barava traehad tumas fo duim ya.

Diutronomi 23:19

“Taem wantok blong yufala hemi kaon long yufala long seleni, o kaikai, o narafala samting, yufala mas no mekem hemi peim eni intres long hem.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.

1 Jon 3:17

Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.