Levitikas 25:28 - Pijin Bible

²⁸ Bat sapos man hemi no fitim fo peimaot lan wea hemi bin salemaot, oraet, lan hemi save stap long niufala ona go kasem disfala Mekfifti Yia. Nao long disfala Mekfifti Yia, bae lan ya hemi mas kambaek fri moa long man hu hemi onam fastaem mekem hem save yusim moa ya.

Pijin Deuterocanon

²⁸ Bat sapos man hemi no fitim fo peimaot lan wea hemi bin salemaot, oraet, lan hemi save stap long niufala ona go kasem disfala Mekfifti Yia. Nao long disfala Mekfifti Yia, bae lan ya hemi mas kambaek fri moa long man hu hemi onam fastaem mekem hem save yusim moa ya.

Levitikas 25:28 ပူးပေါင်းရင်းမြစ်များ

Jeremaea 32:15

Hem nao Yawe hu hemi garem evri paoa, an hu hemi God blong Israel, hemi tok olsem, ‘Bae taem hemi kam wea olketa pipol bae i gohed fo peim olketa haos, an olketa graon fo gaden, an olketa plantesin long grep.’”

Levitikas 25:10

An long disfala wei, yufala mas mektambu long mekfifti yia mekem hemi wanfala spesol yia blong mi. Hemi yia fo talemaot long evriwan long lan blong yufala wea olketa man an olketa samting save kamap fri. Long disfala Yia, olketa lan wea pipol i salem go long nara man mas kambaek long famili hu i onam fastaem. An long disfala Yia, olketa hu i bin kamap slev mas go fri mekem olketa gobaek long famili blong olketa.

Levitikas 25:13

“Sapos eniwan hemi bin salem lan blong hem go long narafala man, oraet, datfala lan hemi mas kambaek long ona blong hem long disfala Mekfifti Yia.

Levitikas 25:29

“Sapos eniwan hemi garem haos wea hemi stap insaet long taon wea hemi garem bikfala wolston, an hemi salem haos ya go long narafala man, oraet, hemi garem raet fo peim fo tekembaek moa insaet long ful yia wea hemi stat long de wea hemi salemaot.

Levitikas 25:30

Bat sapos hemi no peim fo tekembaek long disfala yia, oraet, hemi no garem raet nao fo peim bihaen. An haos ya bae hemi blong datfala man an laen blong hem olowe nao. An long disfala Mekfifti Yia, haos ya hemi no save kambaek moa long man hu hemi bin onam fastaem.

Levitikas 25:41

Den long disfala Yia, hem wetem olketa pikinini blong hem mas gobaek fri long famili blong hem, an long lan blong laen blong hem.

Levitikas 27:24

Bat long Mekfifti Yia, bae datfala pisgraon hemi mas gobaek long famili blong olketa hu hemi onam fastaem.