Levitikas 25:27 - Pijin Bible

²⁷ Sapos hemi duim olsem, hemi mas kaontem haomas yia nao hemi stap fo kasem Mekfifti Yia wea lan hemi mas kamap fri long han blong hem. An hemi mas peimaot from man hu hemi bin baem bifoa, long praes wea hemi fitim haomas yia bifoa disfala Mekfifti Yia hemi kamap. Den hemi save gobaek moa fo stap long lan blong hem.

Pijin Deuterocanon

²⁷ Sapos hemi duim olsem, hemi mas kaontem haomas yia nao hemi stap fo kasem Mekfifti Yia wea lan hemi mas kamap fri long han blong hem. An hemi mas peimaot from man hu hemi bin baem bifoa, long praes wea hemi fitim haomas yia bifoa disfala Mekfifti Yia hemi kamap. Den hemi save gobaek moa fo stap long lan blong hem.

Levitikas 25:27 ပူးပေါင်းရင်းမြစ်များ

Levitikas 25:16

Sapos hemi plande yia, praes blong lan ya hemi save hae, bat sapos hemi tu-tri yia nomoa, praes blong hem mas lou. Hemi olsem bikos datfala praes hemi no praes blong lan, hemi praes blong olketa kaikai wea hemi save grou long lan wea man hemi save tekem long hem.

Levitikas 25:24

“An evriwea long kantri blong yufala, taem eniwan hemi salemaot lan blong hem long narafala man, hemi mas garem fas raet fo peim fo tekembaek datfala lan wea hemi bin onam bifoa.

Levitikas 25:26

An sapos datfala man hemi no garem eni wantok fo peim fo tekembaek datfala lan, bat bihaen, hemi kamap ris, oraet hemi save peim fo tekembaek lan ya moa.

Levitikas 25:49

O hemi save askem angkol blong hem, o eni kasin brata, o eni nara wantok long laen blong hem fo kam peim hem aot moa. O sapos hem seleva hemi save faendem seleni, hemi save peimaot hem seleva fo go fri.

Levitikas 27:18

Bat sapos hemi mekem promis bihaen long disfala Mekfifti Yia, oraet, prist nao hemi mas daonem praes fo peimaot falom haomas yia hemi stap yet fo kasem neks Mekfifti Yia.