Levitikas 25:22 - Pijin Bible

²² Olketa kaikai blong meksiks yia, bae yufala save kaikaim go kasem en long mekeit yia. An long mekeit yia bae yufala save plantem moa olketa niufala kaikai long gaden blong yufala. An bae yufala gohed fo kaikaim yet olketa kaikai ya, go kasem meknaen yia wea bae yufala save tekemaot kaikai long olketa gaden blong yufala.”

Pijin Deuterocanon

²² Olketa kaikai blong meksiks yia, bae yufala save kaikaim go kasem en long mekeit yia. An long mekeit yia bae yufala save plantem moa olketa niufala kaikai long gaden blong yufala. An bae yufala gohed fo kaikaim yet olketa kaikai ya, go kasem meknaen yia wea bae yufala save tekemaot kaikai long olketa gaden blong yufala.”

Levitikas 25:22 ပူးပေါင်းရင်းမြစ်များ

2 Kings 19:29

“King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

Eksodas 16:5

Bat long meksiks de, bae yufala mas pikimap an kukim kaikai wea hemi naf fo tufala de.”

Aesaea 37:30

“King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

Levitikas 25:23

“Sapos eniwan long yufala hemi laek fo salem lan blong hem go long narafala man, bae hemi mas no salemaot finis, bikos lan ya hemi no blong hem, bat hemi blong mi Yawe. Mi givim long yufala mekem yufala yusim, bat yufala i olsem strensa wea yufala stap fo lelebet taem nomoa long lan ya.

Levitikas 26:10

An olketa kaikai wea yufala tekemaot from olketa gaden blong yufala bae hemi plande fogud, bae hemi inaf fo yufala winim wan ful yia. An long en long evri yia, bae yufala save torowem olketa olfala kaikai mekem wanfala ples hemi emti fo putum olketa niufala kaikai long hem.